Орталық банкте атап өткендей, өтімділікті ұсыну бойынша тұрақты қолжетімділік операциялары бойынша мөлшерлеме 15%-ды, ал өтімділікті алу бойынша тұрақты қолжетімділік операциялары бойынша - 13%-ды құрайды.
«Шешім қысқа мерзімді және орта мерзімді перспективада инфляция тәуекелдерінің ағымдағы балансын, сондай-ақ Ұлттық Банктің жаңартылған болжамдарын ескере отырып қабылданды. Жаңа өзгерістер болмаған жағдайда базалық мөлшерлеменің осы деңгейі 2024 жылға қарай инфляцияның бірқалыпты төмендеуін қамтамасыз етеді. Ақша-кредит жағдайларын қалыпқа келтіру 2023 жылы инфляциялық процестердің баяулауына қарай жүргізіледі», делінген Ұлттық Банктің баспасөз қызметі таратқан хабарламада.
Орталық банк сондай-ақ базалық мөлшерлеме бойынша одан әрі шешімдер инфляцияның нақты динамикасының болжамдық траекториясына және сыртқы орта мен ішкі экономикадағы тәуекелдердің қалыптасқан теңгеріміне сәйкес келуіне байланысты қабылданатынын хабарлады.
Ұлттық Банктің ақша-кредит саясаты жөніндегі комитетінің базалық мөлшерлеме бойынша кезекті жоспарлы шешімі 25 шілдеде Нұр-Сұлтан уақыты бойынша сағат 15:00-де жарияланады.
