![«Бұған әскер ғана кінәлі емес» - Қорғаныс министрі суицид жасаған сарбаз туралы](/media/2022/06/08/crop-40_2_345x460_zhaksylykov.png)
«Бірінші кезекте жастар өз өмірін не себепті қиып жатқанын түсіну керек. Бұған тек әскер ғана кінәлі емес. Әскерге келген жігіттің өмірі үшін жауапкершілік командирге жүктеледі. Дегенмен олар әскерге азаматтық қоғамнан келеді және бұл жастардың өздерінің проблемалары да болады. Әскердің мақсаты – бізге ақыл-ойы жетіліп келген адамның проблемаларын шешуге жәрдем жасау», деді Руслан Жақсылықов Мәжілісте тілшілер сауалына жауап бере отырып.
Сонымен қатар министр қазіргі кезде Мемлекет басшысының тапсырмасы бойынша жауынгерлік даярлықтың бағдарламасы толықтай қайта қаралғанын атап өтті.
«Барлық сарбаздың кәсіби әрі сапа деңгейін көтеру мақсатында тиісті жұмыстар жүргізіліп жатыр. Қазір тиісті эксперименттер ескерілген. Мұнымен қоса, жауынгерлік даярлық бағдарламалары аясындағы жұмыстардың қарқынын күшейту мақсатын қойдым», деді ведомство басшысы.
Бұдан бұрын хабарланғандай, жақында Маңғыстау облысында шекара қызметінде әскери борышын өтеп жүрген сарбаз өз-өзіне қол салған еді.
Айта кетейік, Президент армияда өлім-жітімнің жиілеуіне байланысты комиссия құруды тапсырды.