Ливандағы тұсаукесер

Қазақстан Республикасының Ливандағы елшілігі «Қазақстан-Ливан қатынастары: 20 жылдық табысты серіктестік» кітабының тұсауын кесті. Қазақ, араб және ағылшын тілдерінде шыққан кітапта екі ел арасындағы дипломатиялық қарым-қатынас орнату тарихы туралы баяндалған, саяси, сауда-экономикалық және мәдени байланыстар туралы ақпарат ұсынылған. Екі елдің жоғары лауазымды тұлғалары Қазақстан-Ливан ынтымақтастығының болашағы туралы өз пікірлерімен бөліскен, сондай-ақ, кітапта қос елдің қатынастары дамуының хронологиялық фотоматериалдары жарияланған. Кітаптың тұсаукесері Қазақ­станның Ливанда тұратын көптеген достарының бастарын қосты. Атап айтқанда, іс-шараға үкімет өкілдері, парламентарийлер, көрнекті саяси және қоғам қайраткерлері, шетел дипломаттары, бизнесмендер, журналис­тер, сондай-ақ, Қазақстан-Ливан достық қоғамының мүшелері қатысты. Қазақстан Республикасының Ливан Республикасындағы елші­сі Болат Сәрсенбаев өзінің сәлем­деме сөзінде бірінші кезекте Ли­ванның саяси қайраткерлеріне ұсынылған кітапқа енген екі елдің ынтымақтастығы туралы жазған жылы пікірлері үшін алғысын білдірді. Сонымен қатар, бірқатар мәселелер бойынша өзара түсіністік пен келі­сім­нің жоғары деңгейіне мән бере отыра, Қазақстан мен Ливан­ның әртүрлі салалардағы қол жеткізген жетістіктерін атап өтті. Қабылдауға қатысқан қо­нақтар қысқа мерзім ішінде жүзеге асқан екі достас мемлекет ынтымақтастығының жоғары деңгейін атап өтті. «Егемен-ақпарат».