Комитеттің мәліметінше, оқиға 12 маусымда болған.
«Шымкент-Кутаиси» халықаралық рейсінде Кедендік бақылау жүргізу барысында 36 000 доллар (15 905 240 теңге) сомасындағы қолма-қол ақша қаражатын заңсыз әкету әрекеті кезінде «Әуежай-Шымкент» кеден бекетінің қызметкерлері Қазақстан азаматын ұстады», делінген ҚР ҚМ Мемлекеттік кірістер комитетінің баспасөз қызметі таратқан хабарламада.
Азаматтың әрекетінде ҚР ӘҚБтК-нің 545-бабына сәйкес әкімшілік құқық бұзушылық байқалған.
«Аталған факті бойынша іс материалдары процессуалдық шешім қабылдау үшін Әкімшілік құқық бұзушылықтар бойынша Шымкент қаласының мамандандырылған сотына жолданды», делінген хабарламада.
