Бұл самокаттарды қосымшада белгіленген виртуалды тұрақта ғана қалдыруға болады. Осылайша, компания көлік моделіндегі кикшерингті дамыта отырып, бүкіл қалада виртуалды автотұрақтардың тығыз желісін жасақтап отыр. Зырлаған самокаттар қоғамдық көлік инфрақұрылымын толықтырады және қала тұрғындарына тіпті қарбалас сәттерге бейімделуге мүмкіндік береді. Автотұрақтар бір-біріне жақын орналасқан және тұрғын аудандарды да, қала орталығын да қамтиды. Самокаттардың жылдамдығы сағатына 25 шақырымға дейін шектелген, ал әрбір пайдаланушы алғашқы сапар алдында арнайы нұсқаулықтан өтуге тиіс.
Негізгі тариф бойынша сапар 120 теңгеден басталып, минуты – 40 теңге болмақ. Саяхат құны динамикалық баға алгоритмі бойынша өзгеруі мүмкін. Бұл сұранысқа, самокаттар санына, қуаты мен басқа өлшемдеріне тәуелді. Өз тарапынан Whoosh көшедегі тәртіппен қоса, самокаттардың жаяу жүргіншілер мен басқа қозғалыс түрлеріне кедергі жасамауын қадағалайды. Сондықтан осы қызметтің самокатымен сапарды қосымшада «Р» белгісімен белгіленген арнайы нүктелерде ғана аяқтауға болады. Виртуалды тұрақтар самокаттар жаяу жүргіншілер мен автомобильдердің қозғалысына кедергі келтірмейтіндей етіп орналастырылған. Компания қала әкімдігімен келісім бойынша виртуалды тұрақ орындарына белгі қоюды жоспарлап отыр. Сол сияқты Whoosh командасы тәулік бойы самокат қуаттанып, жұмыс істеп тұрғанына көз жеткізіп, біреуі тұраққа дұрыс тұрмай қалса, біркелкі орнатып отырады.
Алматыда электросамокаттарға арналмаған, адамдар көп серуендейтін жерлерде жүруге тыйым салынған аймақтар да бар. Мәселен, Тұңғыш Президент атындағы саябақта және Ботаникалық бақта самокатпен жүруге болмайды. Самокаттар тыйым салынған аймаққа кіргенде, құрылғы арнайы дыбыстық сигнал шығарады және тоқтайды.
Қалада жылжудың жаңа түрі пайда болған кезде, самокаттарды басқару мәдениетін дамыту үшін онлайн жүргізу мектебі іске қосылды. Оқудан кейін пайдаланушы тест тапсырып, жеңілдік үшін жарнамалық код түрінде жағымды бонус алады.
Осы уақытқа дейін үлкен мегаполистерде 8 млн-нан астам адам Whoosh самокаттарын күн сайын пайдаланып келсе, енді олар алматылықтарға қолжетімді болды. Қызметтің бірінші кезектегі міндеті – самокаттарды басқару мәдениетін қалыптастыру және олардың қала көшелеріне қатысуын реттеу.
«Самокаттар қысқа қашықтық үшін уақытты айтарлықтай үнемдейді. Бұл, әсіресе Алматы сияқты мегаполистер жағдайында өзекті. Бүкіл әлемде ауаның ластануы өзекті болып отырғанда көліктің балама, экологиялық таза түрлерін дамыту бұл мәселені ішінара шешуге көмектеседі деп үміттенеміз. Климаттық жағдайлар Алматыда жыл бойы микромобильді көлікті пайдалануға мүмкіндік береді. Сондықтан көптеген пайдаланушы самокаттар мен велосипедтерді жақсы көреді. 2021 жылы біз қызметімізді пайдаланатын барлық қалаларда 4 мың тонна көмірқышқыл газын үнемдедік», дейді Whoosh қызметінің негізін қалаушы және бас директоры Дмитрий Чуйко.
Техникалық тұрғыдан келсек, әрбір самокат өзінің Whoosh IoT модулімен жабдықталған, ол самокаттарды толық бақылауға, мысалы, орналасқан жерін, қуат деңгейін бақылауға, нақты уақыттағы сапар, жол төсемінің сапасы туралы ақпарат алу, ұрланған кезде блоктау немесе бұзылып қалса жалға беруден бас тартуға мүмкіндік береді.
Қорыта айтқанда, осы қызметті іске қосу арқылы Қазақстанда негізінен басқарушылық және инженерлік-техникалық бағыттағы жұмыс орындары, сондай-ақ жергілікті мердігерлермен, оның ішінде шағын бизнес өкілдерімен тұрақты және маусымдық жұмыс істеу үшін жағдайлар жасалмақ. Мысалы, Whoosh Алматы самокаттар паркіне сервистік қызмет көрсету үшін маусымда 100-ден астам адам жұмылдырылуы мүмкін.
АЛМАТЫ
