Қазақстан • 27 Маусым, 2022

«Қауіпсіз ел» – қуатты армия кепілі

31 рет көрсетілді

Қорғаныс министрлігінде Қазақстан Республикасының әскери басқару және қылмыстық қудалау органдары Үйлестіру кеңесінің отырысы өтті. Үйлестіру кеңесінде әскери қызметтің қауіпсіздігі мен құқықтық тәртіп мәселелері қаралды.

Кеңесте Қорғаныс министрі, генерал-полковник Руслан Жақсылықов әскери қызметтің қауіпсіздігін қамтамасыз етудің маңыздылығына назар аударып, Мемлекет басшысы Қасым-Жомарт Тоқаевтың тапсыр­масы аясында Қарулы Күштерде қабыл­данып жатқан шаралар туралы хабардар етті.

Ол қорғаныс ведомствосының бас­тамасы бойынша орны толмас шығын­дарды азайту, суицидтердің алдын алу және азаматтар мен қоғамның армияға деген сенімін арттыруға жағдай жасау бағдарламасын әзірлеу бойынша жұмыс тобы құрылғанын хабарлады. Құжатты дайындауға ғылым, құқық қорғау орган­дары мен үкіметтік емес ұйымдардың өкілдері тартылатын болады.

Үйлестіру кеңесінің отырысына Бас әскери прокуратура, Қорғаныс министр­лігі, Төтенше жағдайлар министрлігі, Мем­лекеттік күзет қызметі, Шекара қыз­меті, Ұлттық ұлан басшылығы, Инду­ст­рия және инфрақұрылымдық даму ми­нистр­лігі, атқарушы, құқық қорғау және арнайы мемлекеттік органдардың өкілдері қатысты.

Қарулы Күштердің арсеналдары мен қоймаларында қару-жарақты, оқ-дәрілер мен жарылғыш заттарды сақтау мәселесін қарау кезінде қоймалар мен әскери инфрақұрылымның, өрт қауіпсіздігі мен диверсияға қарсы қорғаныстың жай-күйінің зор маңызы бар екені атап өтілді. Осыған байланысты оқ-дәрілер мен қару-жарақтың тиісінше сақталмауына байланысты төтенше оқиғалардың алдын алу жөнінде кешенді іс-шаралар қабылдау қажеттігі туралы мәлімделді.

Қорғаныс ведомствосы «Қауіпсіз ел» ұлттық жобасын іске асыруда. Бүгінде оқ-дәрілерді сақтау объектілерін салу бо­йынша жұмыстар жүргізіліп, техникалық және ұйымдастырушылық сипаттағы басқа да шаралар қабылданып жатыр.

Отырыс барысында әскери қызмет­шілер арасында қол жұмсау және жарғыдан тыс өзара қарым-қатынас, жеке құрамның жарақаттануы мен қаза болуы фактілерінің алдын алу жөніндегі жұмыстарды күшейту қажеттігіне назар аударылды.

Отырыста Қазақстан Республикасының Қарулы Күштерінде, басқа да әскерлері мен әскери құралымдарында құқық бұзу­шы­лықтың алдын алудың 2022-2024 жыл­дарға арналған қолданыстағы бағдар­ламасын дамыту мақсатында бірқатар шара ұсынылды. Алдын алудың пәрменді құралы әскери бөлімдердің аумағы мен үй-жайларын бейнебақылау­мен барынша қамту және құқық бұзушы­лықтың алдын алу саласындағы басқа да заңнамалық іс-шараларды пысықтау болмақ.

Әскерге шақырылушылардың, сар­баз­дардың, олардың ата-аналарының, сондай-ақ ардагерлер мен қаза тапқан әскери қызметшілердің отбасыларының құқықтарын қорғау саласында қоғамдық кеңес құру мәселесі қаралды. Әскердегі оқиғалар туралы қоғам мен халықты ақпараттандырудың бірыңғай алгоритмін қабылдау қажеттілігі айтылды. Бұл іс-шаралар қоғамның армияға деген сенімін арттыруға және оның беделін көтеруге оң ықпал етеді.

Әскери ұжымдарда саламатты ахуалды қалыптастыру, әскери қызметшілердің орны толмас шығындарын азайту білім беру құрылымдарының, психологтер мен құқық қорғау органдарының лауазымды тұлғалары қызметінің маңызды басымдығы ретінде қарастырылады.

Соңғы жаңалықтар

Әуезов және түркі әлемі

Руханият • Кеше

Идеология

Руханият • Кеше

Мейірім мен қатыгездік

Руханият • Кеше

Ескі мен жаңа арасы

Руханият • Кеше

Би падишасы

Руханият • Кеше

Сапа қайтсе жақсарады?

Қазақстан • Кеше

Қайырымдылықтың үлгісі

Қазақстан • Кеше

Сақ дәуірінің тасы

Таным • Кеше

Ұқсас жаңалықтар