Қоғам • 27 Маусым, 2022

Қазақстанда құс еті қымбаттады

486 рет
көрсетілді
2 мин
оқу үшін

Елімізде ет пен құс етінің бағасы бір айда 0,9%-ға, ал бір жылда бірден 15%-ға өскен. Жалпы, баға 74 айдан бері үздіксіз өсіп келеді, деп хабарлайды Egemen.kz EnergyProm порталына сілтеме жасап.

Қазақстанда құс еті қымбаттады

EnergyProm порталының мәліметінше, құс етінің бағасы мамыр айында бірден 28,5%-ға өскен. 

Айта кетейік, Қазақстанда ет пен құс етінің бағасы 6 жылдан аса уақыттан бері үздіксіз өсіп келеді.

«Осы жылдың бірінші тоқсанында Қазақстанда орташа есеппен алғанда, ет пен құс етін тұтыну жан басына шаққанда 11,5 кг құрады. Бұл 2021 жылдың сәйкес кезеңімен салыстырғанда 5,9%-ға артық көрсеткіш», дейді мамандар.

Сонымен қатар жаңа піскен және салқындатылған ет пен құс етінің өнімі өсті. Мәселен, ірі қара мал, шошқа, қой, ешкі және жылқы етін өндіру көлемі бір жылда 10,6 пайызға артса, биылғы бес айда 30,1 мың тоннаны құрады. Өз кезегінде құс етін өндіру 5,6 пайызға артып, 46,4 мың тоннаны құрады.

«Отандық ет комбинаттары мен құс фабрикаларының ішкі нарықтағы сұранысы 88,9%-ға орындалды. Өндіріс 342 мың тоннаға жетті, бұл өткен жылдың сәйкес кезеңмен салыстырғанда 1,9%-ға артық көрсеткіш», делінген хабарламада.

Импорттың үлесіне ресурстардың 11,1%-ы, сәйкесінше 42,6 мың тонна өнім тиесілі, бұл бір жыл бұрынғыдан 5,7%-ға аз. Ал экспорт өткен жылмен салыстырғанда бірден 19,3 пайызға төмендеп, 10,3 мың тоннаны құрады.

Сонымен ішкі нарықта 374,2 мың тонна ет және ет өнімдері сатылды, бұл өткен жылмен салыстырғанда 1,7 пайызға артық көрсеткіш.