Журналистерді кәсіби мерекесімен құттықтаған министр, ең алдымен ақпарат саласының ел дамуы жолындағы маңыздылығына тоқталды.
«Медиа, тек жаңалық тарататын құрал емес, ол – еліміздің қауіпсіздігі мен идеологиясының да өзегі. Өздеріңізді бейнелеп айтқанда, қоғамның барометрі десек жарасады. Билік пен халықтың арасын жалғап, ақиқаттың ашық алаңында жүрген әрқайсыңыздың еңбектеріңіз бағалы. Мемлекеттік саясатты қалың бұқараға түсіндіруде, әлеуметтік мәселелерді дер кезінде қозғауда бұқаралық ақпарат құралдарының маңызы зор. Сіздерге артылған жауапкершілік үлкен. Сол жүкті ауырсынбай арқалай алатын күш-жігер тілеймін», деді Дәурен Абаев.
Марапатталғандар қатарында Egemen Qazaqstan, «Казахстанская правда», «Хабар 24», «Қазақ ТВ», Qazaqstan, «Мир» телеарналары, «Вечерняя Астана», «Новое поколение» газеттері, Қазақпарат, Baigenews.kz ақпараттық агенттіктерінің тілшілері бар.
Салтанатты рәсім аясында опера труппасының солистері өнер көрсетіп, мерекелік концерт ұсынылды.
Айта кетейік, аталған сыйлық биыл екінші рет беріліп отыр.
