«Қанды қаңтар кезінде 238 адам қаза тапты. Оның ішінде 6 адам азаптаулардан кейін өлген. Азаптау әрекеті бойынша 15 адам күдікке ілінді. Оның тоғызы қамауда отыр», деді Әсет Шындалиев Мәжіліс кулуарында.
Сондай-ақ ол қаңтар кезінде қаза болғандардың толық тізімін жариялау үшін әр құрбанның қандай жағдайда өлгені анықталып бітуі керек екенін ескертті.
«Біз ол күдіктілердің бәрі кінәлі деп қазір айта алмаймыз. Тергеу жүріп жатыр. Қайтыс болғандардың саны белгілі. Бірақ тергеу шаралары жүріп жатыр. Адам қай жерде, қандай жағдайда өлгенін анықтау қажет», деді Бас прокурордың орынбасары.
