Қоғам • 29 Маусым, 2022

Елорда әуежайында тоқтатылған ресейлік компанияның ұшағы ұшып кетті

156 рет
көрсетілді
1 мин
оқу үшін

Мемлекеттік кірістер комитеті «VOLGA DNEPR AIRLINES» компаниясы әуе кемесіне қатысты қосымша әкімшілік іс толтырған, деп хабарлайды Egemen.kz.

Елорда әуежайында тоқтатылған ресейлік компанияның ұшағы ұшып кетті

«VOLGA DNEPR AIRLINES» компаниясы әуе кемесіне қатысты әкімшілік хаттама толтырылып, кедендік рәсімдер жүргізілді. Сондықтан әуе кемесі елорда әуежайынан ұшып кетті»,  делінген комитет хабарламасында.

Еске салсақ, бүгін Нұрсұлтан Назарбаев Халықаралық әуежайында «VOLGA DNEPR AIRLINES» әуе компаниясының Үрімші (ҚХР) – Нұр-Сұлтан – Мәскеу бағытындағы коммерциялық рейсінің RA-82074 нөмірлі әуе кемесі тоқтаған. Ол туралы әуежай қызметі «Әуежай Астана» кеден бекетінің қызметкерлеріне тез арада хабарлаған. Дегенмен, әуе кемесінің экипажы және оның өкілі белгіленген уақыт ішінде кедендік рәсімдеуге қажетті кедендік құжаттар мен мәліметтерді ұсынбаған. Сондықтан әуе компаниясына қатысты ҚР «Әкімшілік құқық бұзушылық туралы» Кодексінің 538-бабымен әкімшіліктік өндіріс қозғалды.

Аяна Тоғанбек