Аса жеңіл салмақта өнер көрсетіп жүрген қандасымыз АҚШ-тың өкілі Зака Маковскимен айқасады. 39 жастағы Пенсильвания штатының тумасы осы спорт түрін серік еткеніне 16 жылға жуықтады. Сол аралықта 31 кездесу өткізген ол 21 рет жеңіске жетті. Сегіз бәсекені мерзімінен бұрын аяқтады. 2010 жылы ол Bellator промоушенінде бақ сынап, чемпиондық белбеуді иеленді. Зак 2013-2016 жылдар аралығында UFC-де айқасты. Әлемнің ең белді ұйымының туы астында жеті рет октагонға шығып, үш рет басымдық танытты. Скотт Йоргенсен, Джош Сэмпо және Тим Эллиотты ұтқан ол Жуссьер Формига, Джозеф Бенавидес, Джон Додсон және Дастин Ортиске есе жіберді.
28 жастағы Асу Алмабаевтың аралас жекпе-жекпен айналысып жүргеніне тоғыз жылдан асты. 15 кездесуінің ол тек екеуінде ғана ұтылды. Тоғыз бәсекеде Асу айқын басымдық танытты.
