Коронавирус • 30 Маусым, 2022

Қазақстанда коронавирус жұқтырғандар көбейіп келеді

61 рет көрсетілді

Қазақстанда алдыңғы аптамен салыстырғанда коронавирус індетінің таралуы 3,6 есеге, яғни, 127-ден 457 жағдайға дейін өсті. Бұл туралы Денсаулық сақтау министрлігі мәлім етті, деп хабарлайды Egemen.kz.

Таратылған мәліметке қарағанда, COVID-19 ауруының таралуы басқа елдерде де өсіп келеді. Мәселен, коронавирус инфекциясына қатысты әлемдік статистика деректері бойынша соңғы 7 күнде індет жұқтыру көрсеткіші 15 пайызға, өлім-жітім 3 пайызға өсті.

«Соңғы аптада Қазақстанда індетті жұқтырудың 457 жағдайының 391-і немесе 85 пайызы Алматы және Нұр-Сұлтан қалаларына тиесілі. Жүргізілген талдау кезінде пациенттердің 80 пайызы КВИ-ге қарсы вакцина алмаған адамдар екені, сондай-ақ вакциналаудан кейін 6 айдан астам уақыт өткен адамдар екені анықталды. Бұл деректер вакциналау КВИ инфекциясынан қорғаудың және ұжымдық иммунитетті қалыптастырудың жалғыз тиімді қадамы екенін көрсетіп отыр», делінген министрлік мәліметінде.

Қазір тәулігіне 20-21 мың екпе жасалады. Осы бағыттағы жұмыстар жалғасып келеді.

«Республикада коронавирус инфекциясына қарсы үш вакцина бар. Жалпы 2,3 млн доза екпе қамтамасыз етілді. КВИ бойынша тұрақты эпидемиологиялық жағдайды қамтамасыз ету үшін тиісті жұмыстар атқарылып жатыр. Әсіресе, коронавирус ауруы бойынша жоғары тәуекел тобына кіретін адамдар ревакцинациядан өткені дұрыс», делінген хабарламада.

Соңғы жаңалықтар

Плей-оффтан тыс қалды

Футбол • Бүгін, 08:43

Үшінші орынға көтерілді

Спорт • Бүгін, 08:40

Үздік төрттіктің қатарында

Теннис • Бүгін, 08:39

Мыңға жуық баланы кене шақты

Аймақтар • Бүгін, 08:34

Цифрландыру жұмысымен танысты

Аймақтар • Бүгін, 08:15

Ұлылар үндестігі

Қазақстан • Кеше

Баға бақыланады

Қаржы • Кеше

Мейірім шұғыласы

Руханият • Кеше

Цифрлы даму: Жаңа бетбұрыс

Технология • Кеше

Махаббат әуені

Өнер • Кеше

Ұқсас жаңалықтар