Нақтырақ айтсақ, өңірге жыл басынан бері 54 575 адам келген және бұл өткен жылмен салыстырғанда 2 мың адамға артық.
– Өңірде туристер тоқтайтын орындар саны 98-ге жетті, нөмірлер саны – 3 810. Жалпы, жыл басынан бері 1,2 млрд теңгеге қызмет көрсетілген. Көрсеткіш 1,2 есеге өсті. Сонымен қатар салаға тартылған инвестициялар да артқан. Мәселен, ойын-сауық, тамақтану сынды қызмет түрлерінен 2021 жылдың қорытындысы бойынша 43,8 млрд теңгені, 2022 жылдың қаңтар-сәуір айларында 3,97 млрд теңгені құрады, деді Д.Утешов.
Биыл туризм саласына қатысты құны 40 млрд теңгеден астам 6 жобаны іске қосу жоспарланған.
– 2022-2025 жылдары мыңнан астам жұмыс орындарын құра отырып, жалпы сомасы 100 млрд теңгеге 16 жобаны жүзеге асыру жоспарланған. Осылайша, туризм саласындағы жобаларды іске асыру өңірге қосымша инвестициялар тартуға, жаңа туристер ағынының өсуіне мүмкіндік береді. Жаңа жұмыс орындарын ашуды, салық аударымдарының түсуін қамтамасыз етеді. Туризмнің бір саласын ғана емес, экономиканың басқа да аралас салаларын дамытуға серпін береді. Сайып келгенде, Маңғыстау облысының әлеуметтік-экономикалық дамуына оң серпін береді, – деді Данияр Утешов.
Маңғыстауда туризмді дамыту күн тәртібіндегі мәселе, сондықтан бұл бағыттағы жұмыстарды жандандыра жүргізу маңызды.
Маңғыстау облысы
