Қоғам • 01 Шілде, 2022

Маңғыстауда халық саны артып келеді

59 рет көрсетілді

Маңғыстауда тұрғындар саны табиғи өсім және көшіп келушілер есебінен жылдам өсіп келеді. Биыл көктемде облыста халық саны 748 471 адамға жетіп, былтырмен салыстырғанда 22 мыңға өсті. Әрине, облыста жұмыссыздық, ауыз судың жетіспеуі сынды күрделі мәселелер туындап тұрғанның өзінде халық санының артуы үлкен қуаныш.

Маңғыстауда ауыл тұрғындары­ның қалаға қоныс аударуында белсен­ділік байқалғанмен, әзірге қала тұр­ғын­дарының саны ауылдықтардан аз екен. Яғни 700 мыңнан астам тұр­ғынның 302 697-і қалада, 445 774-і ауыл­дық жерлерде тұрады. «Ауыл – алтын бесік» дейтін қазақ үшін ауыл­ды жоғалтпаудың маңызы зор. Бұл тұрғыдан келгенде статистикалық де­­­­ректер өңірде халық саны жағынан ауыл­дың әлі де басымдыққа ие екенін бай­қатты. Бірақ тұрғындар санының Ақтау және Жаңаөзен қалаларын­да, сондай-ақ Ақтау төңірегіндегі Түп­­­қараған ауданына қарасты ауыл­дар­да көбірек өскендігіне қарап, бұл ба­ғытта бәрібір қалаларға көшу үрді­сі­нің бар екенін жоққа шығара алмаймыз.

– Жыл басынан бері облыстың барлық аудандарында халық саны артты. Бірақ тұрғындар санының ең елеулі өсуі Ақтау қаласында – 218 197 адамға, Түпқараған ауданында – 342 адамға, Жаңаөзен қаласында ха­лық са­ны – 1 445 адамға, Бейнеу ауданын­да – 295 адамға, Маңғыстау ауданында – 56 адамға, Қарақия ауданында 13 адам­ға көбейгені байқалды, деді Маң­ғыс­тау облыстық статистика депар­таментінің басшысы Римма Утюшева.

Табиғи өсім бойынша Маңғыс­­тау облысы бірнеше жыл бойы респуб­­ли­када алдыңғы орында келеді. Биыл жыл басынан бері 3 719 ұл, 3 484 қыз бала, барлығы 7 203 нәресте дү­ниеге келген. Әрине, халқының саны көп Ақтау қаласы бұл тұрғыда басым­дыққа ие, дүние есігін ашқан барлық нәрестенің 2 349-ы Ақтау қала­сының еншісінде.

Халық санының артқаны – жаңа­лық, жақсылық. Бұл өз кезегінде жер­гілікті басшылыққа өңірде туын­дап тұр­ған мәселелерді жылдарға жүк етпей тезірек шешу қажетін алға тартары анық.

 

Маңғыстау облысы

Соңғы жаңалықтар

Қазақстанда ұн қымбаттады

Қоғам • Бүгін, 10:53

Алтын белбеу үшін таласады

Спорт • Бүгін, 08:40

Жарысты жеңіспен бастады

Спорт • Бүгін, 08:38

Көнеден жеткен көрік

Таным • Бүгін, 08:30

Салым мен алым деңгейі

Қаржы • Бүгін, 08:25

Дипломаттар марапатталды

Саясат • Бүгін, 08:20

Каспий мәселесі талқыланды

Саясат • Бүгін, 08:18

Ұқсас жаңалықтар