Атырау облысының Жылыой ауданы бойынша мемлекеттік кірістер басқармасы 2022 жылдың маусым айында акцизделетін өнімдердің заңсыз айналымын анықтау және жолын кесу бойынша іс-шаралар жүргізді.
Нәтижесінде 2 жеке тұлғаның 1300 литр алкоголь өнімдерін және 2500 литр дизель отынын заңсыз жолмен сатқаны анықтады.
«Іс материалдары Жылыой аудандық сотына жолданды. Жалпы осы жылдың бірінші жартыжылдығында Атырау облысында 139 мың литр дизель отынының, 338 мың литр жанармайдың, 4 мың литр алкоголь өнімдерінің және 260 қорап темекі өнімдерінің заңсыз саудасының жолы кесілді», делінген ведомство ақпаратында.
Көлеңкелі экономиканың алдын алу мақсатында акцизделетін өнімдердің заңсыз айналымын анықтау және жолын кесу бойынша іс-шаралар алдағы уақытта да жалғасады.
