Ақтауда Ұлттық домбыра күніне орай Маңғыстау облыстық Қазақстан халқы Ассамблеясы «Домбыра – дастан» акциясын өткізді. Шара аясында перинаталдық орталықта жатқан аналар мен олардың нәрестелеріне қазақтың қара домбырасы сыйға берілді.
Акция Ақтау қалалық перинаталдық орталығында өтті. Іс-шараға облыстық Ассамблеяның қоғамдық орынбасары, әзербайжан ЭМБ төрағасы Шамсадин Гусейнов, МО ҚХА кәсіпкерлер қауымдастығының төрағасы Джамбулат Тангиев, Аналар кеңесінің төрағасы Аманкүл Жайылханова, МО ҚХА кәсіпкерлер қауымдастығы төрағасының орынбасары, Аналар кеңесінің мүшесі Зарета Фаталиева, ҚХА ардагерлер кеңесінің мүшесі Раиса Маденова, сондай-ақ бірқатар жеке кәсіпкер қатысты.
Шара ұйымдастырушылары аналар мен олардың нәрестелеріне домбыра, балаларға арналған киім, кондитерлік жәе сүт өнімдерін табыс етті. Сондай-ақ Ақтау қалалық перинаталдық орталығының қызметкерлеріне Қазақстан халқы Ассамблеясы атынан естелік сыйлықтар берілді.
Маңғыстау облысы
