Облыстық ТЖ департаментінің кезекші-диспетчерлік қызметіне Алға ауданы Есет батыр ауылындағы қайғылы жағдай туралы 10 шілде күні сағат 16:15-те хабарлаған.
«2016 жылы туған баланың суға батып кеткені жөнінде хабарлама келіп түсті. Шақырту орнына құтқарушылар дереу жеткен кезде Есет батыр ауылынан 2 шақырым жердегі Тамды өзенінің бойында баланың суға түскені белгілі болды. Ол ата-анасының қарауынсыз тыйым салынған жерге шомылған. Құтқарушылар баланың денесін 2,5 метр тереңдіктен алып шықты», деп хабарлады облыстық ТЖД баспасөз қызметі.
