Баспасөз қызметінің мәліметіне сүйенсек, кеше Семей қаласында 2014 жылғы Chevrolet Сruze маркалы автокөлігінде уақытша тоқтап тұрған кезде өрт шыққан.
«Қызыл жалын қозғалтқыш бөлігінің жанғыш бөлшектерін, аспаптар панелін, салонның ішкі қаптамасын шарпыды. Сондай-ақ 4 шаршы метр аумақта жеке заттар жанып кеткен. Оқиға орнына шұғыл жеткен өрт сөндірушілер тілсіз жауды толықтай ауыздықтады», делінген хабарламада.
Алдын ала мәлімет бойынша өрттің шығу себебі – қауіптілігі жоғары агрегатпен абайсыз жұмыс атқарудан болуы мүмкін.
