Каспий жағалауындағы жарыстың басты бәсекелерінің бірінде танымал қазақстандық спортшы Игорь Свирид те өнер көрсетеді. 35 жастағы Алматының тумасы 2021 жылдан бері спорттың осы түрімен шұғылдануда. Сол аралықта 28 кездесу өткізіп, 18 рет жеңіске жетті. 14 бәсекеде айқын басымдық танытты. Кезінде ол орта салмақта Сингапурдың ONE Championship пен АСА ұйымдарының чемпиондық белбеуін иеленді. Ақтауда Свирид ресейлік Артур Гусейновпен күш сынасуға тиіс еді. Алайда жарақатына байланысты ол октагонға шығудан бас тартты. Енді Игорь әлі жеңілістің кермек дәмін татып көрмеген 32 жастағы Дағыстанның өкілі Шамиль Магомедовпен айқасады.
Ал Лас-Вегаста өткен UFC турнирінде Қазақстанда туып-өскен әзербайжандық Рафаэль Физиев Бразилияның беткеұстары Рафаэль Дос Аньосты бесінші раундтың басында айқын жеңді.
