Мысырда 700-ге жуық адам өлім жазасына кесілді

АСТАНА. 29 сәуір. Мысырда тыйым салынған «Мұсылман бауырлар» қозғалысының жақтаушыларына қатысты сот процесі аяқталып, ұйым лидері Мохаммед Бади бастаған 683 адам өлім жазасына кесілді. Бұл туралы Lenta.ru хабарлады. Сотталғандардың барлығына полиция учаскелеріне жасалған шабуылдарға және тәртіп сақшысының өліміне қатысты бар деген айып тағылды. Сонымен қатар, сот Мухаммед Мурсидің жақтаушыларына қатысты 24 наурызда шығарған үкімін қайта қарап шықты. Бұл үкімге байланысты, елдің екс-президентінің 529 жақтаушысы өлім жазасына кесілген болатын. Үкімді қайта қарап шыққан сот тізімдегі 37 адамға өлім жазасын қалдырып, ал қалғандарын өмір бойына түрмеге қамауға шешім шығарды. Айдар Өрісбаев. Дереккөз: Lenta.ru. Фото: Ntv.ru.