Еңбек және әлеуметтік қорғау министрлігі ұсынған ақпаратқа сәйкес, жұмыс берушілердің өтінімдері бойынша кәсіптік оқытуға 5,6 мың адам жіберілді. Сондай-ақ өз кәсібін бастауға ниеттенген 1,5 мың адамға мемлекеттік грант берілді.
«Субсидияланатын жұмыс орындарына 102 мың адам орналасты. Оның ішінде әлеуметтік жұмыс орындарымен - 12,1 мың, жастар практикасымен - 9,7 мың, қоғамдық жұмыстармен - 77,7 мың адам, «Алғашқы жұмыс орны» жобасы аясында - 1,4 мың, «Ұрпақтар келісімшарты» жобасы аясында - 182 адам, «Күміс жас» жобасы аясында 816 адам жұмыспен қамтылды. Сондай-ақ қызмет саласын таңдау мақсатында 34 мыңнан астам адам әлеуметтік кәсіптік бағдарлаудан өтті», делінген ведомство хабарында.
