«Қазгидромет» РМК мәліметінше, демалыс күндері еліміздің оңтүстік және оңтүстік-шығысында аптап ыстық жалғасады.
«Республика аумағының басым бөлігінде әлі де тұрақсыз ауа райы сақталады — жаңбыр жауады. 25 шілдеде елдің солтүстік-батысында қатты жаңбыр жауып, найзағай, дауыл, бұршақ күтіледі. Еліміздің оңтүстік-шығысында ғана жауын-шашынсыз ауа райы сақталады, ал Қазақстанның оңтүстігінде шаңды дауыл болжанады», делінген хабарламада.
Атап айтқанда, күндізгі уақытта республиканың батыс жартысында ауа температурасы +27 +42°С-тан +23 +35°С-қа дейін төмендейді.
Елдің солтүстік-батыс, орталық өңірлерінде ауа температурасының аздап көтеріледі: мұнда термометрлер + 25 +38°С белгісіне жетеді.
Республиканың солтүстігінде, шығысында температуралық фон +22 +30°С-қа жетеді.
Еліміздің оңтүстігінде, оңтүстік-шығысында +34 + 46°С дейінгі қатты ыстық жалғасады.
