Аймақтар • 25 Шілде, 2022

Бестөбе кенішінде заңсыз алтын іздеген адамның мәйіті табылды

424 рет
көрсетілді
1 мин
оқу үшін

Ақмола облысындағы Бестөбе алтын кені шахтасында заңсыз алтын іздеушінің денесі табылды, деп хабарлайды Egemen.kz.

Бестөбе кенішінде заңсыз алтын іздеген адамның мәйіті табылды

Төсек қапқа оралған мәйітті таңертең тексерушілер жарылғыш материалдар тасымалдайтын вагонның ішіндегі шахта «оқпанының» жанынан тапқан.

Диспетчер оқиға болған жерге жедел полицияны шақырып, мәйіт кімдікі екендігін анықтаған. Марқұм Бестөбе ауылының тұрғыны болып шықты. Ол Бестөбе кенішінде жұмыс істемеген.

Осы арада Бестөбе алтын кенішінің шахтасы шамамен бір жылдан бері жұмыс істемей, қаңтарылып тұрғанын айта кету керек. Ал төменгі көкжиектерін жер асты сулары басқан.

Бұған дейін де биыл осы кеніштің «Западная» шахтасының көкжиегін бақылаушылар 43 жастағы Павлодар облысы тұрғынының денесін тапқан болатын. Степногорск полициясының мәліметі бойынша ол жүректің ишемиялық ауруынан қайтыс болды. Дегенмен марқұм шахтаға заңсыз енген, сол жерде бәлкім оны серіктестері тастап кеткен.

Ал Бестөбе кенішінің иесі «Алтыналмас» компаниясының өкілдері желдеткіш және басқа да инженерлік жүйелер істемей тұрғандықтан, жартылай су басқан, қызмет етпейтін шахтаға түсу өте қатерлі екенін ескертеді.