Теннис • 08 Тамыз, 2022

Өскеменде ITF World Tennis Tour W25 турнирі басталды

195 рет
көрсетілді
1 мин
оқу үшін

Өскемен қаласында әйелдер арасында ITF World Tennis Tour W25 турнирі басталды, деп хабарлайды Egemen.kz.

Өскеменде ITF World Tennis Tour W25 турнирі басталды

Қазақстан теннис федерациясынан мәлім еткеніндей, жүлде қоры 25 мың АҚШ долларына бағаланған жарыстың іріктеу сатысында 14 жастағы өскемендік Мәлика Әмірғалиева тамаша өнер көрсетті.

Мәлика WTA рейтингісінде жоқтығына қарамастан, іріктеу сайыстарының финалында әлемнің 1990-ракеткасы, ресейлік 18 жастағы Николь Мишиеваны 6:1, 6:4 есебімен ұтып кетті. Сөйтіп негізгі турнирге жолдама алды.

Осылайша, Kazzinc Open жарысында бес бірдей қазақстандық спортшы, атап айтқанда, Жібек Құламбаева, Гөзал Айнитдинова, Мария Синицына (уайлд кард), Татьяна Николенко (уайлд кард) және Мәлика Әмірғалиева бақ сынайды.