Аймақ басшысы Самат Ескендіров Ақжар ауданындағы жұмыс сапарын Ленинград ауылдық округінде тұратын екі қарт майдангердің хал-жағдайын білуден бастады. Оларға Елбасы Нұрсұлтан Назарбаевтың Ұлы Жеңістің 69 және 70 жылдығын лайықты атап өтуге жергілікті билік орындарына арнайы тапсырма бергенін жеткізе келіп, қос қарияға өз атынан бір-бір теледидарды сыйға тартты.
– Жыл өткен сайын шыбын жанын шүберекке түйіп, от пен оқтың арасында жүрген жауынгерлердің саны азайып келеді. Бүгінде Қызылжар өңірінде 334, Ақжар ауданында 5-еу ғана қалған. Сондықтан фашизмді ұясында талқандап, жеңіс туын желбіреткен майдангерлерге қамқорлық ешқашан үзілмейді. Оның нақты айғағы ретінде соғысқа қатысушылар мен мүгедектерге жергілікті қазынадан 57,7 миллион теңге мөлшерінде әлеуметтік көмек көрсетілетінін атап өткім келеді. Қайырымдылық сенбіліктерден жиналған қаражаттан 8,6 миллион теңге және бөлінеді. Сонда әрқайсысы 117 500 теңге көлемінде қаржылық қолдауға ие болады. Бұдан тысқары соғысқа қатысушыларға теңестірілген 1854 адамға 17,2 миллион теңге әлеуметтік қолдау қарастырылып, 9260 теңгеден беріледі, – деді облыс әкімі.
90-ды алқымдаған қариялардың бірі Жүсіпов Ерденбай ақсақал /суретте оң жақта/ жасының ұлғайғанына қарамастан әлі күнге дейін саламатты өмір салтын ұстанатынын, күніне үш шақырым жаяу жүретінін, әлі күнге дейін басымен жерге тік тұру секілді дене жаттығуларын жасайтынын айтса, Иманмәлік Машрапов ақсақал Отанымызға тыныштық, береке-ынтымақ тілеп, Президентке деген шынайы алғысын білдірді.
Ленинград – бір кездері аудан орталығы болған елді мекен. Қазір осы аттас ауылдық округтің атын иеленеді. 5311 адам тұрады. Мәдениет нысандары, екі шағын орталық, кәсіптік-техникалық колледж, бірнеше сауда нүктелері жұмыс істейді. «Жаңабаев» жеке кәсіпкерлігіне жетекшілік ететін Бекайдар Жаңабаев былтыр агробанктің иесіз қалған ғимаратын қалпына келтіріп, кешенді сауда орталығына айналдырыпты. Ол үшін «Бизнестің жол картасы-2020» бағдарламасы шеңберінде жеңілдікті несие алып, 25 адамға тұрақты жұмыс тауып берген. Мұнда наубайхана, кондитер цехы, аяқ-киім жөндеу шеберханасы орналасқан. Жуырда пайдалануға берілген16 пәтерлі үй бірінші кезекте жетім балалар мен жас мамандарға берілген. Самат Сапарбекұлы 125 бүлдіршін тәрбиеленіп жатқан «Еркетай» балабақшасына соғып, тарту-таралғы жасады. Жылына 340 мың тонна кварц құмын өндіруге қауқарлы «Ақтөбе Глас» фирмасының жұмысымен танысты.
Аудандағы жұмыс сапарынан оралысымен облыстық ардагерлер кеңесінің кеңейтілген төралқа мәжілісіне қатысқан С. Ескендіров соғыс мүгедектері мен ардагерлерді толғантатын мәселелерді мұқият тыңдап алғаннан кейін Ұлы Жеңіске дайындық барысы жайлы жан-жақты хабардар етті. Кешенді іс-шараларда ардагерлердің әлеуметтік тұрмысын, өмір сапасын жақсарту жайына жеткілікті көңіл аударылған. Атап айтқанда, ескі үйлерде тұрып жатқан қарттар үшін келесі жылдан бастап 100 мың теңгеден жәрдемақы төленеді. «Жеңіс» саябағын жаңғырту жалғасын табады. Соғыс қаһармандарына арналып стелла орнатылады. Есімдері ескерткіш тақтаға жазылады. Көшелерге аттарын беру, ардагерлер үйін салу ұсыныстары да қолдау тапты.
Өмір ЕСҚАЛИ,
«Егемен Қазақстан».
Солтүстік Қазақстан облысы.
Суретті түсірген Талғат ТӘНІБАЕВ.
90-ды алқымдаған қариялардың бірі Жүсіпов Ерденбай ақсақал /суретте оң жақта/ жасының ұлғайғанына қарамастан әлі күнге дейін саламатты өмір салтын ұстанатынын, күніне үш шақырым жаяу жүретінін, әлі күнге дейін басымен жерге тік тұру секілді дене жаттығуларын жасайтынын айтса, Иманмәлік Машрапов ақсақал Отанымызға тыныштық, береке-ынтымақ тілеп, Президентке деген шынайы алғысын білдірді.
Ленинград – бір кездері аудан орталығы болған елді мекен. Қазір осы аттас ауылдық округтің атын иеленеді. 5311 адам тұрады. Мәдениет нысандары, екі шағын орталық, кәсіптік-техникалық колледж, бірнеше сауда нүктелері жұмыс істейді. «Жаңабаев» жеке кәсіпкерлігіне жетекшілік ететін Бекайдар Жаңабаев былтыр агробанктің иесіз қалған ғимаратын қалпына келтіріп, кешенді сауда орталығына айналдырыпты. Ол үшін «Бизнестің жол картасы-2020» бағдарламасы шеңберінде жеңілдікті несие алып, 25 адамға тұрақты жұмыс тауып берген. Мұнда наубайхана, кондитер цехы, аяқ-киім жөндеу шеберханасы орналасқан. Жуырда пайдалануға берілген16 пәтерлі үй бірінші кезекте жетім балалар мен жас мамандарға берілген. Самат Сапарбекұлы 125 бүлдіршін тәрбиеленіп жатқан «Еркетай» балабақшасына соғып, тарту-таралғы жасады. Жылына 340 мың тонна кварц құмын өндіруге қауқарлы «Ақтөбе Глас» фирмасының жұмысымен танысты.
Аудандағы жұмыс сапарынан оралысымен облыстық ардагерлер кеңесінің кеңейтілген төралқа мәжілісіне қатысқан С. Ескендіров соғыс мүгедектері мен ардагерлерді толғантатын мәселелерді мұқият тыңдап алғаннан кейін Ұлы Жеңіске дайындық барысы жайлы жан-жақты хабардар етті. Кешенді іс-шараларда ардагерлердің әлеуметтік тұрмысын, өмір сапасын жақсарту жайына жеткілікті көңіл аударылған. Атап айтқанда, ескі үйлерде тұрып жатқан қарттар үшін келесі жылдан бастап 100 мың теңгеден жәрдемақы төленеді. «Жеңіс» саябағын жаңғырту жалғасын табады. Соғыс қаһармандарына арналып стелла орнатылады. Есімдері ескерткіш тақтаға жазылады. Көшелерге аттарын беру, ардагерлер үйін салу ұсыныстары да қолдау тапты.
Өмір ЕСҚАЛИ,
«Егемен Қазақстан».
Солтүстік Қазақстан облысы.
Суретті түсірген Талғат ТӘНІБАЕВ.
