Аймақтар • 12 Тамыз, 2022

Алматыда есірткі қолданған автобус жүргізушісі ұсталды

26 рет көрсетілді

Алматыда 118-ші бағыттағы қоғамдық көлік жүргізушісі есірткіге мас күйінде жолаушыларды тасымалдаған, деп хабарлайды Egemen.kz Polisia.kz сайтына сілтеме жасап.

«Жүргізушінің әрекеті күдік туғызды. Оны медициналық тексеруден өткізу үшін ертіп барды, сараптама қорытындысы бойынша нарколог-дәрігерлер оның есірткіге мас болғанын анықтады. Жүргізуші бірден қоғамдық көлікті басқарудан шеттетілді. Алматы қаласы бойынша мамандандырылған ауданаралық әкімшілік сотының шешімімен ер адам 8 жыл мерзімге көлік құралын басқару құқығынан айырылды, сонымен қатар 15 тәулікке әкімшілік қамаққа алынды. Қоғамдық көлік мамандандырылған айыппұл тұрағына қойылды», деді Әкімшілік Полиция басқармасы бастығының орынбасары Дәулет Сейітқұлов.

Сондай-ақ есірткіге масаң күйдегі жүргізушіні қатарға шығаруға рұқсат берген автокәсіпорынның медицина қызметкеріне қатысты ҚР ӘҚбК-нің 619-бабына сәйкес әкімшілік шара қолданылды. Автобус жүргізушісіне 150 мың теңге көлемінде айыппұл салынды.

Соңғы жаңалықтар

Еліміздің 3 өңірінде қар жауады

Ауа райы • Бүгін, 17:20

Астанада жылу беріле бастады

Елорда • Бүгін, 17:00

Доллар бағамы өсті

Қаржы • Бүгін, 15:52

Ұқсас жаңалықтар