Фестиваль астананың визит карточкасы болып, өзін цирк өнерінің ең беделді халықаралық іс-шараларының бірі ретінде көрсетті. Қала тұрғындары мен қонақтары әлемнің түкпір-түкпірінен келген жас, жаңадан бастаған және атақты цирк әртістерінің қатысуымен ең жақсы цирк нөмірлерін көре алады.
«Жыл сайын Халықаралық фестиваль Нұр-Сұлтанда қала әкімдігі мен мәдениет басқармасының қолдауымен өтеді. Іс-шараның мақсаты-өнердің үздік жетістіктерін көрсету, халық арасында цирк өнерін насихаттау, тәжірибе алмасу және халықаралық байланыстарды дамыту», дейді режиссер Әйгерім Тілегенова.
Биыл Астаналық цирк күмбезінің астында Беларусь, Венгрия, Вьетнам, Израиль, Италия, Қырғызстан, Молдова, Моңғолия, Ресей, Тәжікстан, Өзбекстан, Франция және Қазақстан сияқты әлемнің 13 елінен келген дарынды әртістер өнер көрсетеді. Фестивальге қатысушылар арасында «штейн-трапе» жанрындағы нөмірі бар атақты әуе эквилибристі Олег Спигин бар.
Сондай-ақ фестиваль бағдарламасында Франция мен Вьетнамнан келген атақты әуе гимнасттарының өнер көрсетуі, танымал қазақстандық ат-акробатикалық ансамбль, шебер жонглерлер, акробаттар, арқан бойымен жүрушілер, эквилибристер және әлемнің ең үздік сайқымазақтары бар.
Қазылар алқасы нөмірдің сапасын актерлік, хореографиялық, режиссерлік жұмыс деңгейі бойынша бағалайды.
Фестиваль 12 тамызда гала-шоумен ашылып, 5 күнге созылады. Керемет шоу 14 тамызда аяқталады. Сонда жеңімпаздардың есімдері белгілі болады.
