Аймақтар • 15 Тамыз, 2022

Павлодар облысында алимент төлемей жүрген 270 адам іздестірілуде

188 рет
көрсетілді
1 мин
оқу үшін

Павлодар облысында алимент төлемей жүрген 270 адам іздестірілуде, деп хабарлайды Egemen.kz Polisia.kz-ке сілтеме жасап.

Павлодар облысында алимент төлемей жүрген 270 адам іздестірілуде

Павлодар облысында жыл басынан бері алимент төлемей жүрген 270 адам іздестірілуде, қазіргі уақытта оның 164-і анықталды.

Мысалы, Павлодар облысының тұрғыны ата-ана міндеттерін орындауға немқұрайды қараған. Оның бұрынғы әйелі полицияға жүгінуге мәжбүр болды. Әйел үш жылдан бері бұрынғы күйеуі кәмелетке толмаған ұлын асырау үшін алимент төлемейтінін айтты. Қарыз сомасы шамамен 3 млн теңгеге жеткен. Полиция баланың әкесін анықтады.

– Тағы бір павлодарлық 2021 жылдың маусымынан бастап баланы асырау бойынша алименттік міндеттемелерін орындамаған. Ер адам алименттер бойынша пайда болған берешекті өтеуге және оларды ай сайын төлеуге бағытталған пәрменді шараларды қабылдамады. Сот актілерін орындау міндеттілігі туралы сот орындаушыларының жазбаша хабарламалары мен ескертулеріне жауап берген жоқ, жұмысқа орналасқысы келмеді, – деп атап өтті ведомство өкілі.

Полиция ведомствосының хабарлауынша, ең алдымен балалар ата-аналарының некесіз қалуынан зардап шегеді. Ортақ балаларға және ажырасудан зардап шеккен ата-аналарға қамқорлық жасаудың орнына, бұрынғы ерлі-зайыптылар бір-біріне зиянын тигізуді жалғастыруда. Кейбір аналар балаларға әкелерін көруге рұқсат бермейді, ал олар өз кезегінде қаржылық қолдаудан бас тартады.

Соңғы жаңалықтар

Су үнемдейтін қондырғы

Технология • Кеше