Қазақстан • 19 Тамыз, 2022

60 мың гектар жайылым мемлекетке қайтарылды

33 рет көрсетілді

Amanat партиясы жанындағы «Жер аманаты» комиссиясының Ақмола облысына сапары барысында мемлекет меншігіне 60 мың гектар жайылымдық жер қайтарылды. Енді бұл жер учаске­лерін ауыл тұрғындары мал жаю және шөп шабу үшін пайдаланатын болады. Бұл жөнінде партияның баспасөз қызметі хабарлады.

Мемлекет басшысы Қасым-Жомарт Тоқаев бұған дейін пайдаланылмай жатқан жайылымдық жерлерді мемлекет мен­ші­гі­не қай­та­ру жөнінде нақты тапсырма берген болатын.

Партия хатшысы Дәулет Кәрібек ауыл шар­уа­­­шылығы тауар өнді­ру­­­ші­­лерімен меморан­дум жа­­сал­­ғанын атап өтті. Со­ған сәйкес, шаруалар 333 мың гектар жерді бұдан былай ауыл тұрғындарымен бірлесіп пайдаланады.

«Ақмола облысының тұрғын­дары үшін жайылым жердің жетіс­пеушілігі өте өзекті мәселе болып отыр. Сондықтан комиссия мүшелері мұнда белсенді жұмыс істеп жатыр. Мем­лек­еттік органдармен және ірі меншік иелерімен бірле­сіп қабылдаған шешім­дер­дің орындалу барысына мониторинг жүргізуді жалғастырамыз», деді ко­мис­сия мүшесі, қоғам қай­рат­к­ері Ғалым Байтоқ.

Танымал журналист,­ комиссия мүшесі Мақсат Толықбай комис­сия өкіл­де­рінің 3 айдан бері өңірлерді аралап келе жатқанын айтты. «Мем­ле­кеттік орган­дар­дың өкілдері мен партия­лық­тардан бөлек, комиссия құрамында қоғам белсен­ді­лері және заңгерлер бар. Жайылым мәселесі ұзақ уа­қыт бойы қордаланып келді. Оны бір күнде шешу мүмкін емес. Сондықтан партияның барлық тетігін іске қосып, әр облыстағы мәселені бірлесіп шешіп келеміз», деді М.Толықбай.

Кездесу барысында Атбасар ауданы Сочинское ауы­лының тұрғыны Асыл­хан Тастеміров елді ме­­кен­ге бекітілген 6 мың гек­­­тар жа­йы­лымның аздық етіп отыр­­ғанын жеткізді.

«Ауылда 200-ге жуық үй бар. Тұрғындардың барлығы дерлік мал шаруа­шы­лы­ғы­мен айналысады. Ауыл халқы ірі қара, жылқы өсіріп жан бағып отыр. Жайылым мәселесі өте өзекті. Комис­сия осы мәселені шешуге көмектеседі деп үмітте­не­міз», деді ауыл тұрғыны.

Осы күні «Жер аманаты» комис­сиясының мүше­ле­рі Сан­дықтау ауданында жер мәсе­­лесі бойынша азаматтарды қабыл­дады. Тұрғындар тарапы­нан ай­тыл­ған барлық мәселе пар­тия­лық бақы­лауға алынды.

Айта кетейік, соңғы бір­неше ай ішінде комис­сия мүшелері Жетісу, Қара­ған­д­ы, Қостанай, Жамбыл, Түркістан, Ақтөбе және Солтүстік Қазақстан облыс­та­рын­да болды. Жалпы, «Жер аманаты» комиссия­сы­ның көме­гі­мен 350 мың гектардан астам жер мем­ле­кет­тік меншікке қайта­рыл­ды.

Жер мәселелерін неғұр­лым жедел шешу үшін қазақ­стандықтар барлық заң бұзу фактілері туралы партияның «Жедел желі» 8 800 080 44 41 телефонына хабарлай алады. Өтінімдер WhatsApp арқылы да +7 700 800 44 41 нөмір бойынша қабылданады.

Соңғы жаңалықтар

Рубльді сатып алу 31%-ға өсті

Экономика • Бүгін, 15:23

Ұқсас жаңалықтар