Асхат Аймағамбетов мектептердің техникалық жарақтандырылуы мен оның сапасы туралы айта келе, жергілікті атқарушы органдар білім беру ұйымдарын бейнекамералармен 100 пайыз қамту туралы есеп беретінін атап өтті. Бірақ тексеру барысында елеулі кемшіліктер анықталды. Барлық камералар жұмыс істемейді, кейбір қала мектептері ОСК-ға қосылмаған. Сондай-ақ ол камералардың саны емес, камера деректерімен қанша баланың қамтылғаны маңызды екенін айтты.
Сондай-ақ ҚР БҒМ баспасөз қызметінің хабарлауынша, жаңа оқу жылы қарсаңында Оқу-ағарту министрлігі Ішкі істер министрлігінің өкілдерімен бірлесіп, мектеп оқушыларының қауіпсіздігі бойынша сабақ өткізеді. Оларға білім беру ұйымдарының да, құқық қорғау органдарының да өкілдері қатысады.
«Қыркүйек айының басынан бастап мектептерге 5 мыңнан астам полиция қызметкері келіп, алдын алу мақсатында қажетті сабақтар өткізеді. Бұл жұмысқа мұғалімдер, мектеп директорлары белсене қатысады. Оқу жылының басында ішкі істер органдарынан мектеп жанындағы кезекшілікті күшейтіп, қажет жерлерге арнайы жол белгілерін орнатып, алдын алу шараларын жүргізуді сұраймыз. Біз барлық мектеп автобустарын, сондай-ақ қауіпсіздік жүйелерін тексеруді аяқтауымыз керек. Бұл жұмысты бірлесіп аяқтаймыз деп ойлаймын», деді Асхат Аймағамбетов.
Ішкі істер министрі Марат Ахметжанов ведомствоның барлық жеке құрамы мектеп оқушылары арасында түсіндіру жұмыстарын жүргізетінін атап өтті. Мектеп оқушыларына олардың құқықтары мен міндеттері түсіндіріліп, құқық бұзушылықтың алдын алу, төтенше жағдайларда қалай әрекет ету керектігі айтылады. Сондай-ақ ол елордалық мектеп-гимназиялардың біріне баратынын атап өтті.
