![Жерлестеріміз үздіктер қатарында](/media/2022/08/25/200004_10424317661ed359eeb9e4823d34ee8a.jpg)
Үздіктер тізімінде Қазақстанның екі саңлағы бар. WBA Super, IBF және IBO нұсқаларының теңдессізі деп танылған 40 жастағы Геннадий Головкин екінші орынды иеленуде. Егер 17 қыркүйекте Лас-Вегаста өтетін жекпе-жекте GGG мексикалық Сауль Альваресті ұтатын болса, онда жерлесіміз аталған рейтингте жеке-дара көш бастайтыны анық. Санаулы күндерден кейін WBO тұжырымының толыққанды чемпионы атанғалы отырған 29 жастағы Жәнібек Әлімханұлы төртінші сатыға жайғасты.
Орта салмақтағылардың көшін WBC-тың чемпионы, америкалық Джермалл Чарло бастап тұр. Үшінші орында – АҚШ-тың тағы бір өкілі Деметриус Андраде. Сондай-ақ «ТОП-10» боксшының қатарында жапониялық Риота Мурата, мексикалық Хайме Мунгия, ұлыбританиялық Крис Юбэнк, доминикандық Карлос Адамес, кубалық Эрисланди Лара және бразилиялық Эскива Фалькао бар.