«Халықтың қауіпсіздігін қамтамасыз ету мақсатында Озерное ауылынан (250 адам) және Аманқарағай ауылының солтүстік бөлігінен (1000 адам), Калинино ауылынан (228 адам), Лесное ауылынан (363 адам) барлығы 1841 адам эвакуацияланды. Жергілікті атқарушы органдар эвакуацияланған адамдарды Әулиекөл орта мектебі мен Әулиекөл мектеп-интернатына орналастыруды ұйымдастырды», деп жазылған хабарламада.
Сондай-ақ қауіпсіз жерге көшірілген азаматтардың жағдайымен ТЖ министрі мен өңір басшысы танысып шықты.
Қазіргі уақытта орман өртін сөндіру жұмыстары жүргізіліп жатыр.
