Қоғам • 06 Қыркүйек, 2022

Көрші ақысы...

158 рет
көрсетілді
1 мин
оқу үшін

Қостанай облысындағы алапат өрттің салдары Ақмола облысы тұрғындарының да қабырғасын қайыстырып отыр. Ежелден «көрші ақысы – тәңір ақысы» деп түсінетін өңірдің тұрғындары көмек қолын созуда.

Көрші ақысы...

Amanat партиясының об­лыстық филиалы мұрындық болып, ізгі іске жұрт жұмылып кетті. Әсіресе халық қалау­лылары мен партияның бастауыш ұйымдары осы бір сын са­ғатта бірліктің мықты, ниеттің ізгі екендігін таныта білді. Әп сәтте жанды жанашырлық жайлы құлақтанған халық қолда барымен бөлісіп, осы қажет бо­лады-ау деген заттарды жинас­тырып жатыр.

Әулиекөл өңірінің тұрғын­дарына 8 жүк көлігіне тиелген 15 тонна азық-түлік, жылы киім-ке­шек тәрізді күнделікті өмірге аса қажетті заттар жиналып,  гума­нитарлық көмектің алғашқы легі аттандырылды.

Өңірдегі белсенді азаматтар да әлеуметтік желі арқылы баста­ма көтеріп, жұртымыздың жақ­сы қасиеті – қайырымдылық ха­қында ой қозғауда. Бірлігі бекем елдің осы бір тірлігі қашанда кө­ңілге демеу.

 

Ақмола облысы