«Әулиекөл және Қарасу ауданында болған өрт салдарынан жалпы есебі 38 бас ірі қара, 2 қой, 222 шошқа, 712 әртүрлі үй құстары өртеніп кеткен. Қазір үй жануарларының құжаттары жиналып жатыр. Ветстансадағы мамандар қандай анықтамалар, құжаттар керек екенін тұрғындарға түсіндіріп отырады. Біздің мамандар өртенген үйлер мен қораларға қожайындармен бірге барып, өртеніп кеткен үй жануарларының саны мен мәліметтерін арнайы комиссияға өткізуде. Мысалы, өрт кезінде жыраққа қашып кеткен үй жануарлары болуы мүмкін. Олардың да есебін ескеру керек», деді Ақат Балғожаұлы.
