Өнер • 08 Қыркүйек, 2022

Димаш Мехико метросында «ән салады»

219 рет
көрсетілді
1 мин
оқу үшін

Мехикодағы метроның медиафасадтарында Димаш Құдайбергеннің Fly Away әніне түсірілген видеосы жарияланды. Ролик апта бойы сағат сайын 576 экранда көрсетіледі. Бұл туралы dimashnews.com сайты хабарлады.

Димаш Мехико метросында «ән салады»

Тарқата айтар болсақ, Димаштың Мексикадағы фан-клубының арқасында бейнероликтер көрсетілді. Dears ең танымал теледидарлық желілердің бірі – Мехико қаласындағы метрода музыкалық бейнеклиптер мен мәдени жаңалықтарды орналастырумен айналысатын Isa TV-ге хабар тарату туралы өтініш жіберген.

Трансляцияның өтуі үшін Dears Isa TV ресми Instagram-аккаунтындағы посттың астына 2000 лайк жинау керек болған. Ал Димаш шығармашылығының жанкүйерлері оған небәрі екі күн­нің ішін­де қол жет­кізген. Осы­лай­ша, Мексика аста­насындағы ме­тро­­ның 70 стансасында Димаштың Fly Away әніне тү­сірілген видеосы көр­сетілді. Метро – қа­ланың негізгі көлік құ­ралда­ры­ның бірі. Сон­дық­тан бейнені 3 миллионға жуық адам көреді.