Жылдағы дәстүр бойынша «Қазхром» ТҰК» АҚ-тың филиалы Ақтөбе ферроқорытпа зауытында «Мен ағаш отырғыздым» корпоративтік жобасы аясында экологиялық акция өткізілді. Кәсіпорынның жұмысшылары өндіріс аймағын көріктендіру, табиғатты қорғау бағдарламасын жүзеге асыру барысында жаңа ферроқорытпа зауытының аумағына 200 түп пирамидалық терек отырғызды. Жас көшеттерді отырғызуға 40-тан астам зауыттықтар қатысты. Олар тамыр тартып, бой көтергенде әлемдегі баламасы жоқ индустриялық-инновациялық бағдарлама аясында салынып жатқан жаңа бірегей ферроқорытпа зауытының маңын көріктендіретін болады. Экологиялық шараға қатысқандардың бірі қолдарына күректерін ұстап ағаш отырғызса, енді бірі су тасып, қыз-келіншектер жағы жасыл желек екпелері жайқалып өссе деген ырыммен алқызыл лента тақты.
«Мен ағаш отырғыздым» акциясы бізде жыл сайын ұйымдастырылады. Әрдайым тазалықты басты назарда ұстайтын кәсіпорынның әр цехы, бөлімшесі өздеріне бекітілген аймақтарын тазалап, қурап қалған ағаштардың орнына жаңасын отырғызып, абаттандыру мен көгалдандыруға бір кісідей атсалысады. Осы акция шеңберінде 2008 жылдан бастап зауыт аймағы жыл сайын жаңа көшеттермен толығып келеді. Газдан тазарту учаскесінің, дайын өнімдер цехының, «Батыс-2» шағын ауданында орналасқан зауыттықтардың үйінің ауласы, тұрғындар қалашығының скверіне, №1 балқыту цехының маңына, дене шынықтыру-сауықтыру кешенінің, жаңа теннис кортының айналасына ағаш көшеттерін отырғыздық. Бұл отырғызылған ағаштарымыз бүгінде ғимараттарға көрік беріп, жайқалып өсуде, дейді қоршаған ортаны қорғау басқармасының 2-ші дәрежелі инженер-экологы Гүлжан Тайкенова. Техникалық қадағалау бөлімінің қадағалаушысы Диляра Нұрғожина биылғы акцияның орны бөлек екенін, өйткені жаңа ферроқорытпа зауытының маңына алғаш рет ағаш көшеттері отырғызылғанын, өзінің бұған алғашқылардың бірі болып атсалысқанын жеткізді.
Ағаш отырғызу кәсіпорынға қарасты денешынықтыру-сауықтыру кешенінде жалғасты. Кешен қызметкерлері мұнда 70 түп ағаш отырғызды. Отырғызылған көшеттерді күтіп-баптау да зауыттықтардың еншісінде.
Сатыбалды СӘУІРБАЙ,
«Егемен Қазақстан».
Ақтөбе облысы.
«Мен ағаш отырғыздым» акциясы бізде жыл сайын ұйымдастырылады. Әрдайым тазалықты басты назарда ұстайтын кәсіпорынның әр цехы, бөлімшесі өздеріне бекітілген аймақтарын тазалап, қурап қалған ағаштардың орнына жаңасын отырғызып, абаттандыру мен көгалдандыруға бір кісідей атсалысады. Осы акция шеңберінде 2008 жылдан бастап зауыт аймағы жыл сайын жаңа көшеттермен толығып келеді. Газдан тазарту учаскесінің, дайын өнімдер цехының, «Батыс-2» шағын ауданында орналасқан зауыттықтардың үйінің ауласы, тұрғындар қалашығының скверіне, №1 балқыту цехының маңына, дене шынықтыру-сауықтыру кешенінің, жаңа теннис кортының айналасына ағаш көшеттерін отырғыздық. Бұл отырғызылған ағаштарымыз бүгінде ғимараттарға көрік беріп, жайқалып өсуде, дейді қоршаған ортаны қорғау басқармасының 2-ші дәрежелі инженер-экологы Гүлжан Тайкенова. Техникалық қадағалау бөлімінің қадағалаушысы Диляра Нұрғожина биылғы акцияның орны бөлек екенін, өйткені жаңа ферроқорытпа зауытының маңына алғаш рет ағаш көшеттері отырғызылғанын, өзінің бұған алғашқылардың бірі болып атсалысқанын жеткізді.
Ағаш отырғызу кәсіпорынға қарасты денешынықтыру-сауықтыру кешенінде жалғасты. Кешен қызметкерлері мұнда 70 түп ағаш отырғызды. Отырғызылған көшеттерді күтіп-баптау да зауыттықтардың еншісінде.
Сатыбалды СӘУІРБАЙ,
«Егемен Қазақстан».
Ақтөбе облысы.
