– Біз балалар алаңын ашуға қаржы жинауды қолға алған едік. Қайырымды жандардың көмегімен 65 млн теңге жиналды. Ал Атырау қалалық әкімдігі Геолог шағын ауданынан жер телімін бөлуге көмектесті. Бұл жобаны екі ай ішінде жүзеге асырдық. Осылайша, Балалар жылына өз үлесімізді қосуды, балаларға сый жасауды жөн көрдік, – дейді еріктінің бірі Владимир Ким.
Оның айтуынша, балалардың ойын алаңын ашатын орын кездейсоқ таңдалған жоқ. Қаланың әр шағын ауданындағы тұрғындар, оның ішінде балалар санына зерттеу жүргізілді. Бұған жергілікті әкімдіктің өкілдері де қатысты. Еріктілер дронмен әуеден барлау жасап, Геолог шағын ауданына балалар алаңы қажеттігіне көз жеткізді.
– Бұл – біздің балаларымыз үшін керемет сый. Бұрын балаларымыздың қауіпсіздігіне алаңдаушы едік. Енді балаларымыз бос уақытын ойын алаңында өткізетініне қуанып отырмыз. Әсіресе балаларымыздың қуанышында шек жоқ, – дейді Геолог шағын ауданының тұрғыны Кәкима Омарова.
Ал еріктілер мұндай жобаны жалғастыруды көздеп отыр.
Атырау облысы
