Білім • 20 Қыркүйек, 2022

Ауыл мұғалімі Америкада оқиды

102 рет көрсетілді

Әдетте «Болашақ» бағдарламасы бойынша шетелдің оқу орындарында білім алу мүмкіндігіне ие болған жандардың дені үлкен қалаларда тұратын сияқты көрінетін. Мемлекеттің арнаулы стипендиясына қол жеткізу үшін қойылар талаптың жоғары екені даусыз. Ал ауыл мектебін бітіріп, сол ауылда еңбек етіп жүрген жастардың жеңісі «Болашақ» бойынша тек қалада тұрып, оқыған алғыр буын өкілдері ғана білім алады деген түсінікті тас-талқан етіп бұзғандай.

Мәселен, биыл Алматы облысынан екінші жас талап «Бо­ла­шақ» бағдарламасы бойынша грант иегері атанып отыр. Сәл бұрынырақта Жамбыл ауданына қарасты Ұзынағаш ауылындағы орта мектептің математика пә­ні­нің мұғалімі Гүлзия Құманхан «Бо­ла­шақ» бағдарламасы бойынша шетелде оқуға қол жеткізген болатын. Ол енді Американың жетекші оқу орындарының бірі – Оңтүстік Флорида университетінде оқиды.

– Ауылда туып-өсіп, мектеп­ бітір­дім. Үздік оқып, жоғары бі­лім­ алдым. Одан ауылға оралып, мектепте сабақ бердім. Бала күнгі арманыма осылайша жеттім. Шәкірт тәрбиелеп жүріп, заманның көз алдыңызда өзгеріп, түрленіп отыр­ға­нын аңғарасыз. Уақытқа ілесу үшін ізденіс қана емес, тәжірибе де қажет екенін ұғасыз. Оны дамыған елдерден үйренуді ойлайсыз, осылай ой арманға айналады. Менің «Болашақ» стипендиясына құжат тапсыруыма осы арманым түрткі болды. Дайындалдым, алдымен ағылшын тілін үйренуге күш салдым. Әуелі интернет желісіндегі онлайн сабақтың көмегімен ағылшын тілінің бастапқы деңгейін меңгердім, сосын арнайы курстан өтіп жоғары деңгейге өттім. Ерінбей, шет тілін күніне 5-6 сағат бойы оқыдым. Бар ойым IELTS емтиханынан жоғары баға алу болды. Бұйырып, тиісті 9 ұпайдың жетеуін жинадым, – дейді Гүлзия.

Ал күні кеше Алматы облысының Қарасай ауданына қарасты Жібек жолы ауылындағы орта мектептің математика пәнінің мұғалімі Маржан Ержан «Болашақ» бағдарламасы бойынша АҚШ-тағы жоғары оқу орнының докторантурасында оқитын болды. Яғни енді ауылдан шыққан «Болашақ» стипендианты Оңтүстік Калифорния университетінде білім саласындағы басқаруды зерттейді.

– Ата-анамның жолын қуып, ұстаз болсам деген арман пайда болды. Ауыл мектебінде математикадан сабақ беремін, көпбалалы отбасынан балаларға ағылшын тілін тегін үйретемін. Өзім де ауыл мектебін бітірдім. Шетелде оқуға мүмкіндігім болады деп ойламаппын. «Болашақ» бағдарламасы арқылы отандастарымыз әлемнің үздік жоғары оқу орындарында академиялық білім алып, ғылыми дәреже алуға мүмкіндік алды. АҚШ-тағы университеттің док­торантурасын бітіргеннен кейін еліміздің білім саласын дамытуға өз үлесімді қосқым келеді, – дейді Маржан Ержан.

 

Алматы облысы

Соңғы жаңалықтар

Президент Жамбыл облысына барды

Қазақстан • Бүгін, 11:43

Жер дауы заңмен шешіледі

Аймақтар • Бүгін, 08:55

Намыс құрбаны

Тарих • Бүгін, 08:50

Түркі тілдерін танитын технология

Технология • Бүгін, 08:35

Ұқсас жаңалықтар