Осыдан үш жыл бұрын жанармай құю стансалары (ЖМҚС) желісіне жаңа меншік иесі ие болды. Нақты айтсақ, «PetroRetail» ЖШС оны «ҚазМұнайГаздан» сатып алып, желіні толығымен жаңғырту, ел бойынша үлгілі етуді өз алдына мақсат етіп қойды.
2020 жылдың басынан бері компания 200 жаңа Qazaq Oil ЖМҚС-ын қайтадан іске қосты. Осылайша, бүгінгі күні «ҚазМұнайГаз» ЖМҚС брендімен жұмыс істеп келе жатқандарды қоса алғанда, желідегі жанармай құю стансаларының саны 381-ге жетті. 2023 жылдың соңына дейін компания өзінің барлық жанар-жағармай құю стансаларын жаңғыртуды аяқтауды жоспарлап отыр. Сондай-ақ желі еліміздің ірі қалаларымен қатар шағын елді мекендерді де қамтыған.
Мемлекеттік жекешелендіру бағдарламасы аясында активті сатып алу процестің барлық қатысушысына пайдалы болғанын атап өткен жөн. ЖМҚС желісін сатудан 163 млн АҚШ долларынан астам мөлшерде қомақты сома алған мемлекет ұтты. «ҚазМұнайГаз» ҰК да ұтты. Тұтынушылар да ұтты: олар көліктеріне сапалы жанармай құйып, кең ассортименттегі тұтыну тауарларын сатып алу мүмкіндігіне ие болды. Мемлекеттік бюджетке салық түсімдері де айтарлықтай ұлғайды. Егер 2019 жылы олар шамамен 400 млн теңгені құраса, 2021 жылдың қорытындысы бойынша компания 9 миллиард теңгеден астам қаржы төледі. Жұмыскерлер саны 3200-ден 4500 қызметкерге дейін көбейді. Олардың жалақысы 3 жылда 57 пайызға көтерілді.
Әлбетте, ҚМГ бренді – беделді, танымал бренд. Алайда компания өз атауы болуын қалады. Сөйтіп, жанармай құю стансаларын Qazaq Oil деп атау туралы шешім қабылданды. Бір жағынан, бұл бастауға оралу: ҚМГ Qazaq Oil желісін дамытудан басталған болатын. Екінші жағынан, бұл елдің өзінің ұлттық ЖМҚС желісі болуына ұмтылыс.
Жаңа брендпен алғашқы жанармай құю стансасы 2020 жылдың қараша айында Астанада ашылды, ал өткен жылдың қыркүйегіне қарай олардың саны 100-ге жетті. Осы оқиғадан тура бір жыл өткен соң Qazaq Oil тағы 100 жанармай құю стансасын ашты. Осылайша, жаңа жанармай стансаларының саны 200-ге жетті. Сөйтіп, жақында Семейде екі жүзінші жанармай құю стансасы іске қосылды.
Осы орайда бір шағын жанармай құю стансасының ребрендингіне 200 млн теңгеге дейін қаражат қажет екенін айта кеткен жөн. Екі жыл ішінде заем және өз қаражаты есебінен компания бұл іске 39,2 млрд теңге инвестициялады.
Компанияның бизнесті дамыту стратегиясы қатты өзгеріске ұшырады – ЖМҚС кәдімгі жанар-жағармай құю стансасы болудан қалды. Ол жылы да жайлы дәмхананы, тегін сымсыз желісі бар алаңды және үйге арналған тауарлардың үлкен ассортименті бар дүкенді білдіреді. Клиент қай жанар-жағармай құю стансасында болса да, кофе, хот-дог, сэндвич, круассан, сүзбелі құймақ сатып ала алады – Qazaq Oil-дің өзінің Q-cafe сауда маркасы бар. Жанармай құю кешені алыс жолда жүретін жүк көліктерінің жүргізушілерін, туристерді, автокөлік жүргізушілерін қызықтыратын орынға айналды.
Жанармай құю стансаларының географиясы да кеңіді. Олар бұрын ештеңе болмаған жерлерде де пайда болды. Мысалы, Ырғыз кентіндегі Шымкент-Самара, Батыс Еуропа-Батыс Қытай тасжолдары бойында, Доссор, Рудный, Шетпе, Арал, Сарыағаш, Жайсаң және т.б. елді мекендерде.
Сонымен қатар Qazaq Oil тұжырымдамасының бірі – ұлттық бірегейлікке ұмтылу, яғни Қазақстанның түрлі қалаларындағы жанар-жағармай құю стансалары ұлттық бренд ретінде қалыптасуда. Мысалы, Щучинскідегі ЖМҚС ұлттық киімдегі қыз бейнеленген әдемі муралмен безендірілген. Жанармай құю стансаларын безендіру үшін қазақстандық суретшілер тартылуда.
Сондай-ақ компания спорттық және қайырымдылық бастамаларын белсенді қолдап келеді. Мысалы, Qazaq Oil – атақты қазақстандық боксшы Данияр Елеусінов пен Қазақстанның үстел теннисі федерациясының демеушілерінің бірі. Компания Қостанай облысында болған ірі өртті жою үшін тегін дизель отынын бөлді, сонымен қатар осы қайғылы оқиға салдарынан зардап шеккендерге 50 млн теңге мөлшерінде қаржылық көмек көрсетті.
