Қазақстан • 24 Қыркүйек, 2022

Қазақстан «ИЫҰ-15» тобын құру жөнінде бастама көтерді

64 рет көрсетілді

Қазақстан Республикасы Сыртқы істер министрінің орынбасары Әділ Тұрсынов БҰҰ Бас Ассамблеясының 77-ші сессиясы аясында өткен Ислам ынтымақтастығы ұйымына (ИЫҰ) мүше мемлекеттердің жыл сайынғы үйлестіру кездесуіне қатысты, деп хабарлайды Egemen.kz ведомствоның баспасөз қызметіне сілтеме жасап.

Іс-шара барысында ислам әлемін дамытудың өзекті мәселелері мен перспективалары қаралды. Экономика, сауда, көлік, мәдениет, ғылым және технологиялар, туризм және денсаулық сақтау, ақпараттық технологиялар, су ресурстары, қоршаған орта және климаттың өзгеруі салаларындағы ынтымақтастықты дамыту мәселелері бойынша пікір алмасу өтті.

Қазақстандық дипломат халқы мұсылман елдердің мәселелеріне ИЫҰ белсенді қатысуы тиіс деген пайымын білдірді. Сондай-ақ ғылым мен технология саласындағы 15 жетекші мұсылман елін біріктіретін «ИЫҰ-15» тобын құру жөніндегі қазақстандық бастаманың өзектілігін және азық-түлік қауіпсіздігі жөніндегі Ислам ұйымының рөлінің өскенін атап өтті.

 

Соңғы жаңалықтар

Ұқсас жаңалықтар