«Ежелгі йога білімі арқылы халықты тұрақты түрде спортпен шұғылдануға баулу, жастар арасында салауатты өмір салтын насихаттау, физикалық және рухани сауықтыру мақсатында Астана қаласы әкімдігінің қолдауымен Триатлон саябағында алғаш рет, тегін түрде йога сабағын өткізіп отырмыз. Жексенбілік жаппай сабаққа 250-ден астам қала тұрғындары мен қонақтары қатысуда. Өз ісінің шеберлері қатысушыларға ежелгі өнердің негізгі тетіктерімен таныстырып, дұрыс әрі жүйелі түрде йогамен дұрыс айналысудың тәсілдерін көрсетуде», дейді қолжетімді спорт жобасының жетекшісі Дана Тасболат.
Жаппай сауықтыруға негізделген йога сабақтарына әр түрлі жастағы қала тұрғындары мен қонақтары қатысты. Ерекше форматта өткен шараға ниет білдіргендердің қатары аз болмады.
Сонымен қатар, спорттық шара қатысушылары арасында ұйымдастырушылар жоба серіктестерінен сыйлықтар мен ұтыс ойынын өткізді. Шараның бас жүлдесі Түркияның «LSA» компаниясының жылжымайтын мүлік жөніндегі сарапшыларынан бір аптаға Анталияға екі адамға жолдама ойнатылды.
Сабақтың қатысушысы астаналық Дарын Солтанғазинге Аланияға екі адамдық жолдама бұйырды.
