Спортты дамыту дирекциясының мәліметі бойынша атта өнер көрсету бағдарламасында қазақстандық Нариман Құрбанов күміс медаль жеңіп алды. Отандасымыз бұл жаттығуда 14.450 ұпай жинады. Оның алдын Рис Мак Ленаган (15.100) орап кетсе, Қытай Тайпэйінің өкілі Шао Ю Ян (14.350 ұпай) қола медальға қол жеткізді.
Жалпы, биылғы Әлем кубогі 6 кезеңнен тұрады. Қалған жарыстар 26 қыркүйек пен 2 қазан аралығында Мажарстанның Сомбатхей қаласы мен 7-9 қазанда Түркияның Мерсин қаласында өтеді. Кейіннен әлемнің таңдаулы атлеттері 29 қазанда Англияның Ливерпулінде басталатын әлем чемпионатына дайындалады.
