Елбасы Нұрсұлтан Назарбаевтың Қытай Халық Республикасына мемлекеттік сапары барысында бірқатар екіжақты маңызды құжаттарға қол қойылды
Сонымен қатар, Қытайдың ЭКСИМ банкімен «Петро Казахстан ойл продактс» ЖШС жобасын қаржыландыруға қатысты өзара түсіністік туралы меморандум жасалды. Аталмыш құжат Шымкент мұнай өңдеу зауытын жаңғырту мен қайта құрылымдауға 1 млрд. доллар қаражат бөлуді көздейді. Бұдан бөлек, Қазақстан Даму банкі мен ҚХР Мемлекеттік даму банкі арасында жалпы сомасы 500 млн. долларды құрайтын несие желісі туралы Бас келісімге қол қойылды. Сонымен қатар, «ҚазМұнайГаз» ҰК» АҚ пен «CNPC» корпорациясы арасында Алматы облысында үлкен диаметрлі (300-1600 мм) мұнай-газ құбырын шығаратын зауыт салу туралы негіздемелік келісім жасалды. Аталған жоба құны 150 млн. долларға бағаланып отыр.
Қол қойылған құжаттар жыл санап нығайып келе жатқан Қазақстан мен Қытай арасындағы сауда-экономикалық байланыстарға одан әрі серпін бере түсері сөзсіз. Қазіргі күннің өзінде Қазақстан Республикасы мен Қытай Халық Республикасы арасындағы ықпалдастық белсенді. Соның арқасында елімізге Қытайдан құйылған инвестиция көлемі 20 млрд. доллардан асқан, оның 5,68 млрд. АҚШ доллары – тікелей инвестиция. Жалпы, бірлескен жұмыс нәтижесінде 2013 жылы екіжақты сауда көлемі 22,5 млрд. долларды құрап, оның ішінде Қазақстан экспорты – 14,3 млрд. доллар, ал импорт 8,1 млрд. доллар болды.
Қазақстан мен Қытай арасындағы екіжақты сауда-экономикалық ынтымақтастықты дамытудың аса маңызды тұсы 2016 жылға қарай өзара тауар айналымын 40 млрд. АҚШ долларына жеткізу болып отыр.
Ерекше айта кету керек, кеше мемлекеттік сапар барысында Қазақстан Президенті Нұрсұлтан Назарбаевқа Жібек жолы бейбітшілік сыйлығы берілді. Сыйлық Н.Назарбаевқа Қытайдың бейбітшілікті жақтаушы ұйымдар мен жекелеген тұлғалар тарапынан оның Жібек жолы рухын биіктеткені, өзара сенімді, достықты, ынтымақтастықты нығайтқаны, әлем елдерімен бірге өсіп-өркендеуге, татулыққа және ортақ дамуға ықпал еткені үшін тапсырылды.
«Сіздің бейбітшілік ісін қамтамасыз етуге және оның өркендеуіне қосқан үлесіңізге біздің алғысымыздың белгісі ретінде Сізге «Жібек жолы әлемі» бейбітшілік сыйлығын тапсырамыз. Сіз – бұл сыйлық беріліп отырған алғашқы адамсыз», деді Қытай өкілі Қытай Халық Республикасының Төрағасы Си Цзиньпиннің қатысуымен Мемлекет басшысын марапаттау салтанатының барысында.
Қазақстан Президенті, сондай-ақ, кеше Қытай Халық Республикасының Төрағасымен бірге Ляньюньган теңіз портындағы логистикалық терминал құрылысының басталу рәсіміне телекөпір режімінде қатысты. Мемлекет басшылары қазақ-қытай логистикалық терминалының бірінші кезегінің ашылуын бастап берді. Ляньюньган порты – дамыған көлік инфрақұрылымы бар, әлемнің 25 ірі портының бірі саналады. Қазақстан-Қытай терминалының құрылысына бөлінген жүк тиеу аймағы – 21,6 гектарға жетеді. Терминал құрылысы Оңтүстік-Шығыс Азия елдеріне, Австралияға және Канадаға жіберілетін, сондай-ақ, осы елдерден келетін қазақстандық транзиттік жүктерді сұрыптау және ауыстырып тиеу мүмкіндігін қамтамасыз етеді. Сонымен қатар, экспорттық-импорттық және транзиттік қатынастардағы көліктің барлық түріндегі тасымалдаушыларға толыққанды қызмет көрсететін болады.
Елбасының Қытайдың Шанхай қаласына мемлекеттік сапары әлі екі күнге жалғасады. Бүгін Нұрсұлтан Назарбаев бірқатар Қытай компаниялары басшыларымен кездесу өткізеді деп жоспарланған. Ал ертең Мемлекет басшысы Азиядағы өзара іс-қимыл және сенім шаралары жөніндегі кеңестің IV Саммитіне қатысады, онда тұрақтылық пен өңірлік қауіпсіздіктің өзекті мәселелері талқыланады деп күтілуде.
Динара БІТІКОВА,
«Егемен Қазақстан» – Шанхайдан (Қытай).
Суреттерді түсіргендер
С.БОНДАРЕНКО, Б.ОТАРБАЕВ.
Кеше Мемлекет басшысы Нұрсұлтан Назарбаевтың Қытай Халық Республикасына мемлекеттік сапары басталды.
Іргелес көршіміз әрі сыртқы саудада айрықша басымдыққа ие стратегиялық әріптесіміз Қытай Халық Республикасы басшылығы қазақстандық делегацияны әдеттегідей жылы шыраймен қарсы алды. Дәстүр бойынша екі елдің әнұраны орындалып, сән-салтанат жоралғысы жасалды. Одан соң Елбасы Нұрсұлтан Назарбаев Қытай басшысы Си Цзиньпинмен кездесіп, келіссөз жүргізді. Елдер басшылары сауда-экономика, қаржы-инвестиция, көлік транзиті және ауыл шаруашылығы салаларындағы екіжақты ынтымақтастықтың кең ауқымды мәселелерін талқылады. Бұдан бөлек, Нұрсұлтан Назарбаев пен Си Цзиньпин халықаралық және өңірлік ұйымдар аясындағы өзара іс-қимылдың басымдығы бар аспектілерін атап өтті, халықаралық күн тәртібіндегі негізгі тақырыптар бойынша пікір алмасты. Қазақстан Президенті өз сөзінде Қытайға бүгінгі сапарының АӨСШК ІV Саммитінің өтуімен тұспа-тұс келіп отырғанын атап өтті. – Біз Азиядағы өзара іс-қимыл және сенім шаралары жөніндегі кеңеске сіздің елдің төрағалық етуінен үлкен үміт күтеміз және Кеңестің ықпалды халықаралық ұйымға айналатынына сенім білдіреміз, – деді Нұрсұлтан Назарбаев. Мемлекет басшысы Қазақстан-Қытай өзара іс-қимылының негізі экономикалық ынтымақтастық екеніне назар аударды. Елбасы 2016 жылға қарай өзара тауар айналымының деңгейін 40 миллиард долларға жеткізу жоспарын еске салды. – Сіз Астанада 2013 жылғы қыркүйекте Жібек жолының экономикалық белдеуін қалыптастыру бастамасын көтердіңіз. Қазақстан экономика, сауда, көлік, инвестиция, қаржы және мәдениет сияқты салаларды қамтитын бұл ауқымды жобаны жүзеге асыру жолдарын қарастыруға белсене атсалысуға әзір. Осы бастаманың жүзеге асырылуы бүкіл өңіріміздің дамуында маңызды рөл атқарады, – деді Қазақстан Президенті. Өз кезегінде Си Цзиньпин екіжақты ынтымақтастықтың деңгейі жоғары екенін атап өтіп, бұдан әрі қарқынды дамитынына сенім білдірді. Сонымен қатар, бейбітшілікті жақтаушы ұйымдар мен жекелеген тұлғалар тарапынан Нұрсұлтан Назарбаевқа Жібек жолы рухын биіктеткені, өзара сенімді, достықты, ынтымақтастықты нығайтқаны, әлем елдерімен бірге өсіп-өркендеуге, татулыққа және ортақ дамуға ықпал еткені үшін «Жібек жолы әлемі» сыйлығы тапсырылды. Келіссөздер нәтижесінде 5 екіжақты құжатқа қол қойылды. Атап айтсақ, Қазақстан Президенті Н.Назарбаевтың Қытай Халық Республикасының Төрағасы Си Цзиньпинмен келіссөздерінің қорытындысы бойынша екі ел арасындағы Стратегиялық әріптестіктің барлық салаларын қамтитын және тараптардың келешектегі перспективалық бағыттарын айқындайтын Бірлескен декларацияға қол қойылды. Бұдан басқа, «Самұрық-Қазына» ҰӘҚ» АҚ пен «CITIC» корпорациясы арасында өзара түсіністік пен ынтымақтастық туралы меморандум жасалды. Бұл құжат мұнай-газ және тау-кен секторында өзара іс-қимылды дамытуды қарастырады.
Сонымен қатар, Қытайдың ЭКСИМ банкімен «Петро Казахстан ойл продактс» ЖШС жобасын қаржыландыруға қатысты өзара түсіністік туралы меморандум жасалды. Аталмыш құжат Шымкент мұнай өңдеу зауытын жаңғырту мен қайта құрылымдауға 1 млрд. доллар қаражат бөлуді көздейді. Бұдан бөлек, Қазақстан Даму банкі мен ҚХР Мемлекеттік даму банкі арасында жалпы сомасы 500 млн. долларды құрайтын несие желісі туралы Бас келісімге қол қойылды. Сонымен қатар, «ҚазМұнайГаз» ҰК» АҚ пен «CNPC» корпорациясы арасында Алматы облысында үлкен диаметрлі (300-1600 мм) мұнай-газ құбырын шығаратын зауыт салу туралы негіздемелік келісім жасалды. Аталған жоба құны 150 млн. долларға бағаланып отыр.
Қол қойылған құжаттар жыл санап нығайып келе жатқан Қазақстан мен Қытай арасындағы сауда-экономикалық байланыстарға одан әрі серпін бере түсері сөзсіз. Қазіргі күннің өзінде Қазақстан Республикасы мен Қытай Халық Республикасы арасындағы ықпалдастық белсенді. Соның арқасында елімізге Қытайдан құйылған инвестиция көлемі 20 млрд. доллардан асқан, оның 5,68 млрд. АҚШ доллары – тікелей инвестиция. Жалпы, бірлескен жұмыс нәтижесінде 2013 жылы екіжақты сауда көлемі 22,5 млрд. долларды құрап, оның ішінде Қазақстан экспорты – 14,3 млрд. доллар, ал импорт 8,1 млрд. доллар болды.
Қазақстан мен Қытай арасындағы екіжақты сауда-экономикалық ынтымақтастықты дамытудың аса маңызды тұсы 2016 жылға қарай өзара тауар айналымын 40 млрд. АҚШ долларына жеткізу болып отыр.
Ерекше айта кету керек, кеше мемлекеттік сапар барысында Қазақстан Президенті Нұрсұлтан Назарбаевқа Жібек жолы бейбітшілік сыйлығы берілді. Сыйлық Н.Назарбаевқа Қытайдың бейбітшілікті жақтаушы ұйымдар мен жекелеген тұлғалар тарапынан оның Жібек жолы рухын биіктеткені, өзара сенімді, достықты, ынтымақтастықты нығайтқаны, әлем елдерімен бірге өсіп-өркендеуге, татулыққа және ортақ дамуға ықпал еткені үшін тапсырылды.
«Сіздің бейбітшілік ісін қамтамасыз етуге және оның өркендеуіне қосқан үлесіңізге біздің алғысымыздың белгісі ретінде Сізге «Жібек жолы әлемі» бейбітшілік сыйлығын тапсырамыз. Сіз – бұл сыйлық беріліп отырған алғашқы адамсыз», деді Қытай өкілі Қытай Халық Республикасының Төрағасы Си Цзиньпиннің қатысуымен Мемлекет басшысын марапаттау салтанатының барысында.
Қазақстан Президенті, сондай-ақ, кеше Қытай Халық Республикасының Төрағасымен бірге Ляньюньган теңіз портындағы логистикалық терминал құрылысының басталу рәсіміне телекөпір режімінде қатысты. Мемлекет басшылары қазақ-қытай логистикалық терминалының бірінші кезегінің ашылуын бастап берді. Ляньюньган порты – дамыған көлік инфрақұрылымы бар, әлемнің 25 ірі портының бірі саналады. Қазақстан-Қытай терминалының құрылысына бөлінген жүк тиеу аймағы – 21,6 гектарға жетеді. Терминал құрылысы Оңтүстік-Шығыс Азия елдеріне, Австралияға және Канадаға жіберілетін, сондай-ақ, осы елдерден келетін қазақстандық транзиттік жүктерді сұрыптау және ауыстырып тиеу мүмкіндігін қамтамасыз етеді. Сонымен қатар, экспорттық-импорттық және транзиттік қатынастардағы көліктің барлық түріндегі тасымалдаушыларға толыққанды қызмет көрсететін болады.
Елбасының Қытайдың Шанхай қаласына мемлекеттік сапары әлі екі күнге жалғасады. Бүгін Нұрсұлтан Назарбаев бірқатар Қытай компаниялары басшыларымен кездесу өткізеді деп жоспарланған. Ал ертең Мемлекет басшысы Азиядағы өзара іс-қимыл және сенім шаралары жөніндегі кеңестің IV Саммитіне қатысады, онда тұрақтылық пен өңірлік қауіпсіздіктің өзекті мәселелері талқыланады деп күтілуде.
Динара БІТІКОВА,
«Егемен Қазақстан» – Шанхайдан (Қытай).
Суреттерді түсіргендер
С.БОНДАРЕНКО, Б.ОТАРБАЕВ.
