Сән берген сенбіліктер

Бұл күнде өндірісті аймақтағы қалалар мен елді мекендер апта сайын дүр жаңарып, жайнап салып жүр деуге болады. Көгілдір көктем нұрын шашқаннан бергі уақытта үзбей өткізіліп жатқан сенбіліктер қоршаған ортаның көркі шырайлануын жалғастырып жатыр. Осынау тамаша шараға жұрттың жаппай белсене атсалысуы үлгілі үрдіске айналған. Облыс әкімі Бауыржан Әбдішевтің де әрдайым көпшілікпен бірге ағаш отырғызып, қатардан қалыспауы үйреншікті қалып. Кезекті сенбіліктің бір шаруа­сы Қарағандыдағы Мұз айды­ны сарайының айналасын көріктен­ді­руге арналды. Жан-жағы жи­налып, тазартылған осы жерде егілген Алатаудың 100 шыршасы ажарын ашып, желкілдей өсіп, тамыр жаймақ. 1 сәуірден бастау алған көгал­дандыру іс-шарасына өңір бойынша 200 мыңнан астам адам қа­тысып, 18 мың гектар аумақты жан жадыратарлық келбетке ен­гізді. Жыл­дағыдай көшелер мен аула­­лар бойы, саябақтар өскін жасыл желек­термен толығып жай­қалды. Биыл­ғы көктемде 20 мың ағаш түбі мен қылқан жапырақты бұталар отыр­ғызылды. Алды бусана бүрлеп, төңі­ректі құлпырта түсіп келеді. Мамыр аяғына дейін сенбіліктер осымен аяқталмайды. Егілген кө­шеттерді күтіп-баптауға, тазар­тылған айналаны қалпында ұстауға бағытталған «таза бейсенбілер» өткі­зіп тұрумен жалғасады. Айқын НЕСІПБАЙ, «Егемен Қазақстан». ҚАРАҒАНДЫ.