Қарағанды облысында көмірді қайта өңдейтін кәсіпорын салынады

АСТАНА. 20 мамыр. Қарағанды облысында Қытайдың «Цинхуа» корпорациясы көмірді қайта өңдейтін және синтетикалық сұйық отын өндіретін кәсіпорынның құрылысын бастайды. Бұл туралы «ҚазАқпарат» хабарлады. Хабарламада жазылғандай, Мемлекет басшысы аталған жобаға жоғары бағалаған. Кәсіпорын экологиялық талаптарға толық жауап беретін көрінеді. Қарағанды облысында құрылатын бұл өндіріс орнынан бензин, дизель отыны, электр энергиясы және көптеген химиялық өнімдер шығарылмақ.  Алдын ала болжам бойынша,  аталған кәсіпорынды құруға 2 млрд. доллар көлемінде қаржы кетеді екен. Мамандардың айтуынша, бұл жоба еліміздің энергия теңгерімі мен экологиясы үшін жоғары мәнге ие. Сондай-ақ, осы жобаның нәтижесінде көмір химиясы өнеркәсібіндегі ілгерлеушілікке қол жеткізілмек. Жолдыбай Базар. Дереккөз: «ҚазАқпарат». Фото: newskaz.kz.