2022 жылдың 12-14 қазанында EXPO ХКО-да KazAgro/KazFarm халықаралық салалық іс-шаралары – Орталық Азиядағы ең ірі ауылшаруашылық көрмелері және агроөнеркәсіп саласындағы әлемдік инновацияларды таныстырудың жетекші кәсіби алаңы өтеді.
KazAgro - тұқым таңдаудан бастап, дайын өнім мен заманауи технологияларды қамтитын өсімдік шаруашылығы көрмесі. KazFarm, өз кезегінде мал шаруашылығы мен ет-сүт өнеркәсібіне арналған көрме – эмбриондардан бастап дайын өнімдер мен қызметтерге дейін толық қамтылған.
«KazAgro/KazFarm-2022» нарыққа әлемдік жетекші агроконцерндердің соңғы үлгідегі ауылшаруашылық техникасы мен жабдықтарын, инновациялық технологияларды және агроөнеркәсіп саласына агро-ғылымның соңғы әлемдік жетістіктерін енгізуге ықпал ететін ауыл шаруашылығы секторын дамыту бағдарламаларын ұсынады.
«ExpoGroup» халықаралық көрме компаниясы Қазақстанда жыл сайын әртүрлі елдердің 300-ден астам агроөнеркәсіптік компанияларын біріктіретін көрмелерді 10 жылдан астам уақыттан бері өткізіп келеді. Биыл көрмелерге әлемнің 20-дан астам елінен компаниялар мен ұйымдар қатысады. Шараның бас демеушісі «Ростсельмаш» компаниялар тобы.
Шараны ұйымдастырушы, ExpoGroup компаниясының директоры Шолпан Қожабаеваның айтуынша, жалпы жоба фермерлерге үш күн ішінде бір нысанда мүлдем барлық бизнес шараларды жүзеге асыруға мүмкіндік береді. Көрменің жалпы ауданы шамамен 20 000 шаршы метрді құрайды.
2021 жылы іс-шара рекордтық 33 000 қатысушыны тартты. Олардың қатарында қазақстандық фермерлер, көтерме және бөлшек сауда өкілдері, импорттаушылар мен экспорттаушылар, Қазақстан Республикасы Ауыл шаруашылығы министрлігі мен алыс және жақын шетелдердің басқа да уәкілетті мемлекеттік органдарының өкілдері, сала мамандары мен ғылыми-зерттеу институттарының ғалымдары бар.
Көрме бағдарламасында жетекші сала мамандарының, ауыл шаруашылығы кәсіпорындары мен инновациялық орталықтардың басшыларының қатысуымен семинарлар, презентациялар ұйымдастыру және өткізу, іскерлік миссиялар мен қазақстандық және шетелдік компаниялар арасында меморандумдарға қол қою қарастырылған.
Қатысушылар мен көрме қонақтары агрономдарға арналған жаңа қосымшаның тұсаукесеріне куә болады; мал шаруашылығына арналған жаңалықтар; ауыл шаруашылығына арналған жаңа КАМАЗ көліктері мен машиналарының тұсаукесері; шетел технологиясын көрсету; жаңа өнімдерді таныстыру; Қазақстандағы ауылшаруашылық техникасының алғашқы ішкі нарығының тұсаукесері, сонымен қатар әртүрлі интерактивті іс-шаралар, байқаулар мен шеберлік сыныптары ұйымдастырылады.
Сонымен қатар, көрмелер барысында ҚР Ауыл шаруашылығы министрлігі еліміздің барлық өңірлерінен үздік және озық өсімдік шаруашылығындағы мамандарды марапаттай отырып, Қазақстан селекционерлерінің II слетін өткізеді. Сондай-ақ көрмелер тарихында алғаш рет 2022 жылы таңдаулы бұқалардың тұқымдық материалдарына аукцион болады.
