Қоғам • 05 Қазан, 2022

«Ұлытауға бардың ба?..»

54 рет көрсетілді

Жаяулатқан арбалы жолаушынының Маната асуына ілігіп бара жатқанын көріп, «Ақсақал аман-сау Ақтауға жақындап қалған екен» деп іштей қуанғанмын. Қазақстанның 20 шақты қаласын жаяу басып, Маңғыстау даласында ұлы жолдың үстінде келе жатқан 72 жастағы қарияның жүрісі ширақ көрінді. Өзі ғана емес, сүйреп жүрген арба-жүгі де бар...

Жол бойындағы ауылдар тұр­ғындары мен кездескен жолау­шы­лардың ықыласына бөленіп, бірге суретке түсе жүріп 8 мың шақырымды жаяу еңсерген ұлытаулық жиһанкез Ақтауға жетті. «Ұлытауға бардың ба?..» деп ұрандатқан қарияның айтуынша, ол саяхатқа шығуды 6 жыл бойы армандаған екен. Бірақ тек осы жылдың наурызында ғана жүзеге асыруға мүмкіндік болған. Қария осы сапары арқылы бірнеше мақсатқа қол жеткізуді жоспарлаған.

– Бірінші мақсатым – Ұлытау өңірінің қазақ тарихында алатын орнын елге насихаттау. Екінші мақ­сатым – қазақтың ұлттық қолөнер шеберлерін түгендеп ЮНЕСКО-ға енгізу. Үшіншісі – ұмытылып кеткен қазақтың ұлттық қымыз мейрамын елге насихаттап түсіндіру, – деді Сәрсенбай Қотырашев.

Ұзақ сапарды аяқтап, Ақтауда журналистермен жүздескен ол сапары барысында тұрғындар көмектескенін, әсіресе азық-түлік, сусын әкелетіндер көп болғандығын, суретке түсуге құмар балалар саны арт­қанын жет­кізді.

Маңғыстау облыстық Қоғамдық коммуникация орталығы егде жаста

8 мың шақырым жолды жүріп өткен адам осы уақытқа дейін тіркелмегендіктен, 72 жастағы Сәрсенбай Қо­ты­ра­шевтың Гиннестің рекордтар кіта­бына енуі мүм­кін екендігін хабарлады. Ал жи­һан­кез болса енді әлемді шарлап, Қазақ­станды танытуды армандап жүр­генін айтады.            

 

Маңғыстау облысы

Соңғы жаңалықтар

Ұқсас жаңалықтар