Қоғам • 07 Қазан, 2022

Барымтаға – «қарымта»

89 рет көрсетілді

Қарағанды аймағында барымтамен байы­мақ болғандардың «қарымтасы» дайын. Ұры­лар­дың жолын блокбекет кеспек. Арнайы топ күні-түні күзететін бекет күз түсе кү­шейе­тін мал ұрлығының алдын алмақ.

Топтың құрамында криминалдық полиция, учаскелік полиция инспекторлары, патрульдік полиция қызметкерлері бар. Осындай 18 блокбекет Қарағанды облысы аумағынан өтетін рес­­пуб­ликалық маңызы бар және облыстық тас жол­дар­дың бойында орналасқан.

– Өздеріңізге белгілі, қазір соғым уақыты жа­қын­дап келеді. Бұл кезде барымташылардың да халықтың малына тыныштық бермейтіні анық. Солардың кесірінен төрт түлігін бордақылап  отырған қарапайым қожалық иелері жапа ше­геді. Нақты мысал келтіре кетейін, өткен ап­тада ғана осы тас жолда патрульдік полиция батальонының қызметкерлері ешқандай құ­жатсыз 6 жылқыны әкетіп бара жатқан авто­көлікті тоқтатты. Тексере келгенде жыл­қы­лардың жайылымнан ұрланғаны анықталды. Кү­дікті ұсталып, тергеу амалдары жүргізілуде, – деді Қарағанды облыстық полиция департаменті бастығының орынбасары Әбіл Әбілдин.

Қарағанды облыстық полиция департаменті бас­пасөз қызметінің мәліметінше, облыс аума­­­ғын­да жыл басынан бері мал ұрлығына бай­­ланысты 47 дерек тіркеліп, 22 қылмыс ашыл­ған.

«Сонымен қатар тұрақты түрде мал ұрлы­­ғы­мен айналысқан екі қылмыстық топ ұс­тал­ды. Барымташылардың 14 қылмысқа қатыс­ты­­лығы анықталып, қазіргі уақытта іс сотқа жі­бе­рілді», дейді Қара­ғанды облыстық полиция де­партаментінің баспасөз қызметі.

 

Қарағанды облысы

Соңғы жаңалықтар

Тұлға туралы туынды

Әдебиет • Бүгін, 22:05

Жолбарыс жымы

Тарих • Бүгін, 22:03

Жиырмасында жалын кешкен

Поэзия • Бүгін, 22:00

Баянауыл басына бұлан үйір

Аймақтар • Бүгін, 21:58

Ел сенімін жалғаған жоба

Экология • Бүгін, 21:57

Желаяқтар Астанада жиналады

Жеңіл атлетика • Бүгін, 21:54

Жәдігер болып жеткен алғыс

Жәдігер • Бүгін, 21:53

Жәнібекті жекпе-жекке шақырды

Кәсіпқой бокс • Бүгін, 21:49

Әлем кубогінде топ жарды

Спорт • Бүгін, 21:47

Отпан таудағы салбурын

Қоғам • Бүгін, 21:38

Доллар қымбаттады

Қаржы • Бүгін, 16:27

Ұқсас жаңалықтар