![Павлодар облысындағы жол апатынан үш адам қайтыс болды](/media/2022/10/08/56974cd1-b978-4ae1-8c16-7090a64033e0.jpeg)
«Нива» маркалы автокөліктің 40 жастағы жүргізушісі жолдың оң жағында ілеспе бағытта тұрған «КАМАЗ-5320» автокөлігінің тіркемесімен соқтығысқан.
«ЖКО салдарынан 1982, 2010 және 2016 жылы туған «Нива» автокөлігінің жолаушылары оқиға орнында алған жарақаттарынан қайтыс болды. «Нива» жүргізушісі мен «КАМАЗ-5320» автомашинасының жүргізушісі түрлі жарақаттармен ауруханаға жатқызылды», деді Павлодар облысы полиция департаменті бастығының бірінші орынбасары Жасқайрат Қайыров.
Сот-медициналық сараптама тағайындалды. Автокөліктер арнайы айып тұрағына қойылды.