Саммитке Әзербайжан, Ирак, Иран, Қырғызстан, Палестина, Тәжікстан, Ресей, Түркия, Өзбекстан президенттері, Қатар Әмірі, сондай-ақ Вьетнамның вице-президенті, Қытайдың вице-президенті, сондай-ақ бес министр және АӨСШК-нің мемлекеттік бақылаушысы болып табылатын Беларусь Президенті де келді.
АӨСШК бастамасын Қазақстан 1992 жылы БҰҰ Бас Ассамблеясының 47-сессиясында көтерген болатын. Кеңестің негізгі мақсаты мен бағыты – Азиядағы бейбітшілік пен қауіпсіздікті қамтамасыз етудің көпжақты тәсілдерін әзірлеу арқылы ынтымақтастықты нығайту. Құрылған күннен бастап АӨСШК құрамы Азия континентінің 90 пайызын қамтитын 27 мүше мемлекетке дейін өсті. Бұған дейін АӨСШК-ті толыққанды халықаралық ұйымға айналдыру жоспарлары туралы хабарланған болатын.
